عاشق خالص …
.
✍️ زبدة الاشعار ✍️
?: @nohe_torki
.
مرحوم ذلیل تبریزی
.
رشتۀ عشق عاشقه سر مشقدور
عاشقی مجنون ایدن هم عشقدور
.
عاشق خالص دوشنمز عشقیدن
جان ویرینجه ال گوتورمز عشقیدن
.
هانسی باشدا عشق اولسا جلوه گر
رسمیدور اولسون گرک خونین جگر
.
ای اولان مستغرق بحر گناه
آچ گوزون عاشقلره ایله نگاه
.
گوز یاشیندا حضرت یعقوبه باخ
صبر صحراسینده بیر ایّوبه باخ
.
حضرت عیسانی گور سن داریده
گوگلره گیتدی ره دلداریده
.
طوریده موسایه باخ مدهوش اولوب
جام عشقی ایچمه میش بی هوش اولوب
.
عشق بازارینده گل سودایه باخ
حق یولوندا جان ویرن یحیایه باخ
.
سعی ایدوب از بسکه مشق عشقیده
محضر معشوقه گلدی طشتیده
.
بیر بیرینه اولدی عاشقلر دلیل
شمع عشقه اولدی پروانه خلیل
.
مکتب عشق ایچره سلطان حجاز
اولدی عاشقلر ایچنده پیشتاز
.
جام عشقین ایچدیلر بیر ذره سین
شاه مظلومان ایچوب باالمرّه سین
.
دستۀ عشاقی چکدی برملا
بزم عشق اولدی اونا کرببلا
.
سویلدی عشاقه اول سبط خلیل
عاشقین قانی گرک اولسون سبیل
.
عاشقین اوندا تاپار چشمی ضیاء
ایلیه جسمین مراکب توتیا
.
عاشقین اوندا تاپار قلبی سرور
نازنین باشه اولا مسکن تنور
.
عاشقین اوندا اولار عشقی زیاد
لبلرین خونین ایده ابن زیاد
.
گاهی کول اوسته و گاهی سیریده
یاتماسا عاشق دگل گر دیریده
.
باشینه غملر سالاندا سایه سین
نیزه باشیندا دیسون کهف آیه سین
.
عاشقین عشقی ایدر اوندا ظهور
نیزه باشیندا اوخور آیات نور
.
بس تجلّی ایتدی اول ثابت نگار
حضرت معبوده اولسون جان نثار
.
فوج عشاق اوسته نوشانوش اولوب
جام عشقیله هامی مدهوش اولوب
.
تاپدی فرصت فرقۀ بی آبرو
دوغرادی عشّاقی یکسر مو بمو
.
گلدی جوشه اشقیانین کینه سی
سندی ظلمیله امامین سینه سی
.
جسم مجروحین او قوم بیحیا
ایله دیلر توتیادن توتیا
.
چخدی نه افلاکه یردن الامان
قتلگهده ظلم ایدنده ساربان
.
نعشی قالدی گون ایوینده جامه سیز
گزدی باشی نیزه ده عمّامه سیز
.
ای #ذلیل اولدی بو غم حدّن مزید
لعل دندانین ایدوب خونین یزید
.
#حسینیه_مدح
#حسینیه_شهادت
#رشته_عشق_عاشقه_سر_مشقدور
#ذلیل_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید