قاپی یاندی اولان اولدی گئچن گشدی ولی اما #فاطمیه_امین_جوانمرد

زبانحال حضرت زهرا سلام الله علیها به دخترش
.
#زبدةالاشعار
.
: @nohe_torki
.
#امین_جوانمرد
.
قاپی یاندی اولان اولدی گئچن گشدی ولی اما
مریض اولدی او گوندن بستر مرگه دوشوب زهرا
.
اریتدی غم وجودین گون به گون اولدی محن سرشار
قیزی زینبله گویا بیله ایلردی خانم گفتار
.
گل ای عصمتلی زینب عفتون رخشنده مرجانی
بو گونلردی چیخا زهرا آناوون نیمه جان جانی
.
گل ایله سن کمک دورسون اوتورسون فاطمه ، زینب
قیامه اذن ورمیر بو قوا و ضعف جسمانی
.
اوزون یاخجی بیلورسن من مریضم روحاً و جسماً
اریدَر شمع تک جسمون مرض حاّد اولسا انسانی
.
علی حقّی گدیب سیندی پیمبر حرمتی زینب
گوروم ویران اولایدی کاش ازلدن چرخ سفلانی
.
توکولدی اشقیا اود ووردولار زینب قاپیم یاندی
او یانمیش بابی آشدی ضربتیله بی حیا ثانی
.
آچیلدی بیت حقّ زهرا دوشوب دولدی اوه اعدا
شهید اولدی بالام مسمار دلدی قلب زهرانی
.
چاغردیم فضّه نی گل فضّه آگاه اولمامیش مولا
عمو اوغلوم گورمسون بو حالیله تا دخت طاهانی
.
نه قول قالخور وورام بیرده من ایندی زلفوه شانه
نه طاقت وار ایدم غرق نوا کوه و بیابانی
.
غلاف تیغ قنفذدان اولوب بو قول قیزیم یاره
همان بو قول ایدن وقتده حمایت شاه مردانی
.
ایاقدان سالدی زهرانی علی قالدی تک و تنها
کیم ایلر بس ددیم آیا حمایت شیر یزدانی ؟
.
علی آغلوردی مندن اوتری منده حیدره خاطر
ویروردون سن تسلی گه منی گه شاه والانی
.
قولوم قاخموردی تا سیلسین علینون گوزده گوزیاشون
ددیم گل زینبیم سن سیل بو آغلار چشم مولانی
.
اجلدن اولدی مهلت تا بیر آز دا آغلاسون زهرا
وگرنه چوخدان ایلوب روح زهرا ترک دنیانی
.
آتان قارداشلارون مندن صورا قویما غم ایتسونلر
اوزون دیندیر دانیشدیر تک به تک جمع پریشانی
.
هره بیر نحویله اوده بهانه ایلیوب آغلار
خصوصا بیر اوین گتسه اگر دنیادن انسانی
.
اولاندا مهریله ماهون ییری هرگون عوض زینب
بو غملی منظره دایم سیخار روح و دل و جانی
.
اِیو اهلی قویما قالسون ظلمت شبده پریشانحال
قیزیم گون باتمامیش گونده اوی ایله چراغانی
.
“جوانمردا”دایان ایسته صله اول شخصه کی اولدی
بو شعرون یازماقیندا لطف اوزیله باعث بانی
.
شریک فیض اله بیرده حسینه آغلیانلاری
چه شاعر چه حسینچی که وداع ایلوبله دنیانی
.
اوزوه ایستمه هیچ زاد دعا ایله سن اغیاره
سنده شامل السون حضرت زهرانون احسانی
.
.
#فاطمیه_شهادت
#قاپی_یاندی_اولان_اولدی_گئچن_گشدی_ولی_اما
#ترکی
.
#زبدةالاشعار
.
: @nohe_torki