زبانحال مادر حضرت علی اصغر(ع) در راه شام
..
..
حاج صمد قاسمپور
..
..
قربان اولوم او قانه بویانمش جمالوه
ای عشقمین سپهرینه قرص قمر على
..
گئتدون عجب زمانیده گئت یوخ سوزوم ولی
بول که غریب آنان داهی قالماز ئولر على
..
من هر قدر که دیندیررم ویرمیسن جواب
آخیر مگر بالا آناسیندان کوسر على
..
آهو باخیشلی گوزلری بیر آچ گوروم گئدیم
هر چند گوزلروندن آنان شرم ائدر على
..
نوک جدایه یتموری توتقون سسیم داهی
مندن صورا صبا سنه لای لای دئیر على
..
گئتدیقجا هر دیاره باشون نوک نیزه ده
روحوم سنیله پای جداده گئدر على
..
باخما اولوبدی آبله یورقون ایاقلاریم
وورسا آنان بو یولدا قدم دینجلر على
..
وار محملیله نوک جدانین کشاکشی
بو سرّی اصغرین بیر آناسی بُلر على
..
باشون هواسی ائیله آنان شام و کوفه نی
آدون دیلینده کوچه به کوچه گذر على
..
الله بولور او لحظه نه حاله قالار آنان
اولدوقجا گوز ائویمده باشون جلوه گر على
..
وئردیقجا نیزه دارون اوغول باشیوه تکان
محمل ده تاب ائدنمز آنان جان ویرر على
..
جان قالمیوبدی منده ولی بو اوزون یولی
پای پیاده جذبۀ عشقون چکر على
..
یوخ قدرتیم قدم قدمیمدن گوتورماقا
اما اولار آنان قالا بوردا مگر على
..
جان قالمیبدی رشته سنی الده ساخلیام
بازار شامدن سن ائدنده گذر على
..
قالماز بو گیر و دارده جان صاحبینده جان
جانانی گورسه نوک جداده اگر على
..
روحوم جدا باشیندادی جسمیمده ناقه ده
عشق عالمینده بیر قوری پیکر نئدر على
..
بازار عشقده باشوون جان بهاسیدور
علت اودور آلانمارام الدن گئدر على
..
گئت ای منیم سرین سویا حسرت قالان بالام
اول بزمگاه عشقه طرف رهسپر على
..
گوللر خزان اولوب هاموسی یاندی خیمه لر
قالماز داهی بو دشتیده ائللر کوچر على
..
ائللر کوچر گئدر قالی یانمیش خیامدن
داغلار بویونجا داغ نشان و اثر علی
..
یورقون سسون باتاندا اوجالدی سویون سسی
بیر سس که داغلی سینه می اوخ تک دلر على
..
یئل قووزیبدی خیمه سرادن قالان کولی
هر گاه گاه نهر فراته سَپَر على
..
آرام ائدر بو زمزمه نی سوز و سازیله
کول باشیوه گوتورمدى سندن ثمر على
..
اولماز بو قدر عشق حقیقی نین ارزشی
عالمده عاشق اولسا اگر هر بشر على
..
علت اودور که محضر دلداره یولّادیم
آهوی رام سن کیمی بیر سوت آمر على
..
هر کیمسه هدیه ایستیه جانانه گوندره
معلوم دور سئچیب گوزلین گوندرر على
..
عالمده عشق درگهینه تحفه گوندرن
قانیله گول جمالینی الوان بزر على
..
سنده الون گوتورمه بو جانبازدن «صمد»
هر قدر دردون اولسادا درمان ائدر على
..
..
#راه_شام #صمد_قاسمپور #ترکی #اصغریه_صمد_قاسمپور #اصغریه_شهادت #زبدةالاشعار
نظر دهید