قلبیم اولوبدی مبتلا شاه ولانین عشقینه #ورود_محرم_معروف_اهری

ورود ماه محرم
..
..
..
عباسی معروفان اهری
..
..
..
قلبیم اولوبدی مبتلا شاه ولانین عشقینه
سینه ده چرپنور ئورک کرب و بلانین عشقینه
..
..
..
عطر محرم آلمیشام اگنیمه قاره گیمیشم
واردی ئورکده حاجتیم بزم نگاره گلمیشم
من بو قرا علملری دردیمه چاره بیلمیشم
سایه سینه سیخلمشام قانلی لوانین عشقینه
..
..
..
شور و نوا سالوب گنه عالمه یاحسین سسی
دوشدی دوباره دیللره ماه عزاده نوحه سی
فاطمه نون عزیزینه قربان اولیدی شیعه سی
قانه دونوب ئورکلری خون خدانین عشقینه
..
..
..
یئر گینوب قرا اتک گویده ملک حسین دیور
گل لری گرد غم دوتوب نازلی چیچک حسین دیور
فاطمه نوحه باشلیوب ملک فدک حسین دیور
جنّته ووردیلار علم صاحب عزانین عشقینه
..
..
..
اون گون عزایه دعوتم فاطمه نین بالاسینا
شکر اولا داخل اولموشام باشدا قرا عزاسینا
اوخشیوب آغلیام گرک توختامیان یاراسینا
درگهینه یخلمیشام منده دوانین عشقینه
..
..
..
من آقامین غلامیم شیعه لرون آقاسیدی
سائله حرمت ایلیر فاطمه نون بالاسیدی
روحه صفا و جسمه جان جلوۀ کربلاسیدی
عاشق کربلاسیم باغ جنانین عشقینه
..
..
..
بسدی بو اون گونی منه مهر و محبت ایلسه
فخر ائدرم ملک لره گر منه حرمت ایلسه
لطف ائلیوب زیارت قبرینه دعوت ایلسه
یوز قویارام ضریحینه سعی و صفانین عشقینه
..
..
..
شعله چکور او قبرده محنت و غم تنوره سی
کعبۀ شیعیاندی وار قبرینون آلتی گوشه سی
ایندیده قبردن گلور صود امر اوغلونون سسی
ایچمه میشم فراتدن آب حیاتین عشقینه
..
..
..
#ورود_محرم #معروف_اهری #ترکی #زبدةالاشعار