حالات حضرت ابوالفضل علیه السلام
.
✍️ زبدة الاشعار ✍️
?: @nohe_torki
.
حاج داود بیدق داری
.
قلم الده گزورم شعره بکا عنوانی
بلکه اشکیله یازام مرثیه ی مولانی
.
وارامیدیم که علمدار حسین یار اولسون
تاکه صدقیله دوتوم قانه باتان دامانی
.
وارعلمدار آدی سلطان کیمی دل ملکینده
چون که الله بگنوبدور او ملک سیمانی
.
هرزمان دردیم اولوب سسلمیشم یا عباس
یتشوب دادیمه هریرده او غیرت کانی
.
قاپوسیندان الی بوش سائلینی قیترمز
شامل لطف ائلیر مستحق احسانی
.
اذن وئرسه یازارام چخدی نجه نهر اوستن
بحرحیرتده قویوب موجه گلن دریانی
.
دئدی یالوارمامنه ایچمرمرم ای سو سندن
یاندیرورسوزعطش چون جگرسلطانی
.
بودی فکریم یتیشم تئزحرم سلطانه
تحفه می تاکه ائدم تشنه لره ارزانی
.
دلخوشام فاطمه نین گلشنی سیراب اولسون
پوزماسون سوز عطش باغ گل طاهانی
.
اوندابیرسس ایشیدوب گوردی یاغوراوخ گویدن
بوریوب علقمه نی تیربلا پیکانی
.
دئدی دگسه گوزومه اوخ دگوب اما، ایکاش
دگمیه مشکیمه بو قوم شرین پیکانی
.
ال آتوب قبضه ی شمشیرینه کرار اوغلی
صاعقه برقی دیئرسن بورودی میدانی
.
چوخلاری وحشت ائدوب دورمادیلار میداندا
گوردیلر چون علنی معجزه ی ایمانی
.
مشکی چیگننده دولی، ایستی هوا، لب تشنه
جنگ ائدور واهمه سیز بهته سالوب اعدانی
.
ولی افسوس فلک وئرمدی فرصت مرده
کوفه نامردلری تاپدی جفا امکانی
.
اوخ آتان دوردمین اولا بیر نفرانسان اوسته
ایتیرر اوخلارین آلتیندا قالان انسانی
.
سوزی سربسته یازیم اهل اشاره آنلار
سالدی بیرحاله ابوالفضلی اوقوم جانی
.
سسلدی گل ئولورم ای کرمین دریاسی
درک ائله لشگرایچینده یخیلان سقانی
.
بیریارالی باشین اوستونده عجب غوغادی
قورتاروب اوخ یتشوب نیزه لرین جولانی
.
یاره دن یوخدی گلایه م ولی بیر دردیم وار
اوچ پر اوخ تارائلیوب گوزلریمه دنیانی
.
ائله یئرده اوتوروب مانع اولوب دیداره
قورخورام گلسون اگر گورمیه م اول سیمانی
.
منه خاطر دئمورم، گل آنام الان گلدی
منتظر قویما قالا تئز قوجالان زهرانی
.
ــــــــــــــــ
✅ توضیح استاد بیدق داری برای این شعر :
با پوزش از اساتید به شخصه معتقد به استفاده از اصل کلمه به عنوان قافیه و مراعات حرف روی هستم ولی چون با استفاده از یای نسبت در آخر قافیه اکثر شعرای بزرگ آذری این تجربه را در مرثیه داشتند اصالت را به رساندن مطلب دادیم.
ــــــــــــــــ
.
#عباسیه_شهادت
#قلم_الده_گزورم_شعره_بکا_عنوانی
#بیدقداری
#ترکی
.
✍️ #زبدةالاشعار ✍️
?: @nohe_torki
نظر دهید