قورتولدی روزگاریم دل داغدار قالدى #حسینیه_تائب_تبریزی

عشق و امام حسین (ع)
گریز به کوچ از کربلا
.
.
مرحوم تائب تبریزی
.
.
قورتولدی روزگاریم دل داغدار قالدى
صیقل شکست اولدی آئینه تار قالدى
.
نه نوع توپراق آلتدا ریشه قالار آقاجدان
گئتدیم دلیمده آرزیم تاپدی قرار قالدى
.
وار هانسی مهربانیم دوتقون بو قلبی آچسون
دل داغلی لاله لر تک دل داغدار قالدى
.
بو عمر پنج روزه چون باد برق گتدی
درد آشنا اورکده دردیم هزار قالدى
.
بیر گون دوتار یقین ائت قانیم سنی ستمگر
من گتدیم انتقام دور مدار قالدى
.
دنیانین عشرتیله مندن داخى آلینماز
آلنیمدا یار ایویندن کیم بو غبار قالدى
.
من عاشقم ایله بیر معشوقه یوخدی مرگی
ئولسم ده دلده زنده عشق نگار قالدى
.
من عاشق حسینم معشوق سرمدی دور
جاوید عشق اوندان بیر یادگار قالدى
.
عشق اوسته گچدی باشدان عشق اوسته دویدی جاندان
دللرده گل آدی تا وار روزگار قالدى
.
گلزار دینه قاندان سو ویردی ایتدی سیراب
کرب وبلاده اوندان بیر لاله زار قالدى
.
اوردا خزان دینی دوندردی نو بهاره
گلزار دین و قرآن دائم بهار قالدى
.
یتمیش ایکی شهیده ایچدیردی بادۀ عشق
هر تک تکی یخیلیدی مست و خمار قالدى
.
گلزاردن ال اوزدی اسلام باغبانی
نه گل قالوب نه بلبل نه شاخسار قالدى
.
صحرای کربلایه گلمیشدی بیر ائلیله
ائل کوچدی گتدی دوشدی ائلدن کنار قالدى
.
قول باغلى شامه گیتدی بیر شیر خوار آناسی
سود سوز آنادان آیری بیر شیر خوار قالدى
.
هشتاده دین اسیر سینه یارالی گتدی
یتمیش ایکی شهید تن زخمدار قالدى
.
سرنیزیه وریلدی یتمیش شهید باشی
توپراقلار اوسته نعش هر سربدار قالدى
.
قان ایچره دوشدی یورقون اسلام سرقطاری
زینب اونون یرینده بیر سر قطار قالدى
.
میندیردی اهل بیتی یرده قالوب أوزی تک
بیرده امام ساجد بیمار و زار قالدى
.
شرم و حیالی زینب صاق وصولا باخاردی
سویلردی نه معینیم نه غمگسار قالدى
.
یارب اسیر قوم بی شرم و بی حیایم
بی شرم الینده شرم کامل عیار قالدى
.
یوخ محرمیم دییم تا ایتسون سوار ناقه
نامحرم ایچره بیکس بو دلفگار قالدى
.
سجاد او حالی گوردی جوش ایتدی غیرتیندن
نه صبر ایده بولوب نه دلده قرار قالدى
.
فرمایش ایتدی عمه ئولموب هله بو سجاد
بیر بیله گونده سن تک بی یاره یار قالدى
.
قیلّام سوار اؤزوم من ای آبروی عفّت
تا سانماسونلا یرده روح وقار قالدى
.
بوکدی دیزین قویاندا زینب قدم یخیلیدی
قارداش بالاسی عمّه بی اختیار قالدى
.
میندیردی عمّه سین چوخ رنج و مشقّتیله
یرده اوزی پیاده اول شهسوار قالدى

سجادی میندیروب کیم یازما اماندی تائب
خامه دایاندی تاپدی سوز استتار قالدى
.
.
.
#حسینیه #تائب_تبریزی #کوچ_کربلا_کوچ_کربلا_تائب_تبریزی #ترکی #زبدةالاشعار