شهادت حضرت علی اصغر(ع)
.
✍️ #زبدةالاشعار ✍️
.
🆔: @nohe_torki
.
مرحوم مضطر قفقازی
.
بلا چولینده شهنشاه آسمان درگاه
یگانه گوهر گنجینۀ فنا فی الله
.
گوروب که یوخ کمکی تحت چرخ میناده
گمانی بیر کسه گلمز بو دار دنیاده
.
ایدوب او شمس حقیقی شرق و غربه نظر
نه ،بلکه ذرّه بذرّه جهان ایجاده
.
سوای اصغر لب تشنه گورمدی بیر کس
او قابلیتی یوخدور که گلسین امداده
.
اسوب امام زمانین نسیم مرحمتی
او طفل تشنه لبین گیتدی طاقتی باده
.
هوای عشق دوتوب بند بندینی نی تک
باشیندا شور حسینی گلردی فریاده
.
یوز اضطرابیله گهوارۀ مرصعدن
اؤزین آتوب یره اول شیر خوار شهزاده
.
او شیر خواره نی ایله چکردی جذبۀ عشق
که شیر بچّه نی چکمز او نوع قلّاده
.
.
سیزیلدیوب جگری اود دوتوب کباب کیمی
گلوب نوایه رگ و ریشه سی رباب کیمی
.
.
دیردی قانه بو گون تشنه ام نه تشنۀ شیر
که قان ایچر سودی ترک ایلینده بچّۀ شیر
.
تمام عشق حسینی بروز ایدر مندن
نجه که ذره دن ایلر ظهور مهر منیر
.
اگرچه طفل صغیرم دگل منیم قتلیم
خدای اکبر و اعظم یانیندا جرم صغیر
.
اگرچه تشنه ام آب فراته یوخ میلیم
که اشک زینب ایدوبدور منی جهاندان سیر
.
بلانی قسمت ایدنده من اولموشام مغبون
که با تفاوت اولوب حصه صغیر و کبیر
.
منِ فدای حقه اوخ ویروبدولر قسمت
علی اکبره مین زخم نیزه و شمشیر
.
.
آناسی آلدی او طفلی قوجاقه چکدی فغان
گلوب مقابله عرض ایتدی ای امام زمان
.
.
چشم خماری لعل لبی می پرستیدی
اول تشنه کام شیر عجب شیر مستیدی
.
مدهوش اولوبدی بیر دم آیلماز بو نشئه دن
از بسکه مست بادۀ جام الستیدی
.
قارداشینین دالنجا گیدر آه و زار ایدر
زنجیر زلفینه دیه سن پای بستیدی
.
بو طفلی من جنابووا قربان گتورموشم
هر چند اوشاقدی جاه و جلاله شکستیدی
.
هر چند بو صغیریدی گوگلوم ایوینده لیک
مهر علی اکبریله هم نشستیدی
.
آچموش چو شاهباز قضا پنجۀ ستم
«مضطر» قالوب کبوتر دل زیر دستیدی
.
.
#اصغریه_مضطر_قفقازی
#اصغریه_شهادت
#بلا_چولینده_شهنشاه_آسمان_درگاه
#ترکی
.
✍️ #زبدةالاشعار ✍️
.
🆔: @nohe_torki
نظر دهید