زبانحال امام (ع) در سر نعش فرزندش علی اکبر(ع)
.
.
#سبک_بیا_یابن_الحسن_آرام_جانم
واگیر :
نجه طوفاندی الله
اورگیم قاندی الله
نجه تاب ایلیوم من
گولوم دوغراندی الله
اویان یاتما منیم روح روانیم
اویان یاتما منیم آرام جانیم
#سبک_کجایید_ای_شهیدان … #سبک_جوشی_زنجیر
مشابه
.
.
.
مرحوم صحاف تبریزی
.
.
.
دور ای دینه سوسوز قربان اوغول وای
اولان گل پیکری خندان اوغول وای
.
.
سسسون آلدیم حرمدن داده گلدیم
اساس صبری ویردیم باده گلدیم
اؤرکدن نی کیمی فریاده گلدیم
گوزیمده اشکیم اولدى قان اوغول وای
.
.
گوز آچ یاتما بو قان ایچره اویاندور
سسیمه ویر علی بیر سس اماندور
منیم آز ناله می عرشه دایاندور
اولان ای قاننه غلطان اوغول وای
.
.
بو قانلی جسمیوه قیلّام نظاره
آخار قانلی گوزوم یاشی عذاره
وروبلار بسکه اهل کینه یاره
اولوب شانه کیمی شان شان اوغول وای
.
.
بو حالون قلبیمی چوخ گتدی درده
اوجالدی عرشه آهیم پرده پرده
آنان ایمدی آچوب باش خیمه لرده
توکر قان یاش ایدر افغان اوغول وای
.
.
علی ای گوزلریم نور و ضیاسی
کیمون وار سن کیمی سایسیز یاراسی
اوجالسون قویما لیلانون نواسی
ویرن سو أوسته جان عطشان اوغول وای
.
.
دوشنده یادیمه جدّیم پیمبر
باخاردیم من سنه ای ماه منظر
ایدوب ایمدی قضا بیله مقدّر
قالام من سینه سی سوزان اوغول وای
.
.
باتوب بیر گل کیمی قانه جمالون
مبدّل اولدی هجرانه وصالون
ندور من بُلمورم ایمدی خیالون
منی قویدون بیله گریان اوغول وای
.
.
بو چولده جان ویروب مقصوده چاتدون
اوغول وای ناله سی عرشه اوجاتدون
نه تیز لیلا آنسان یاددان چیخاتدون
قویان لیلانی سرگردان اوغول وای
.
.
وروبلار جسموه اوخ دسته دسته
ایدوبلر جسموی بو نوع خسته
آلوم قوی نعشوی بیر سینم اوسته
اولا آرام قلبیم جان اوغول وای
.
.
آپارسام قانلو نعشون خیمه گاهه
چیخار فریاد و شیون مهر و ماهه
ویرور یوز اهل بیت بی پناهه
ملال و درد بی پایان اوغول وای
.
.
آنان بو زلفیوه ورمشدی شانه
باتوردی اهل کین ظلمیله قانه
یری وار حشره دین گلسه فغانه
غمونده لیلی نالان اوغول وای
.
.
خدایا باخ بو جمع دلفکاره
بو قدسی هاشمی بو نوبهاره
صحافیله نصیب ایله دوباره
ایداخ بو مطلبی عنوان اوغول وای
.
.
.
#اکبریه #صحاف_تبریزی #اکبریه_شهادت #ترکی #زبدةالاشعار
نظر دهید