ماه غم
.
#زبدةالاشعار
.
: @nohe_torki
.
مدهوش تبریزی
.
ماه غم گلدی بو آی بیر عالی فرصت دور بیزه
گی قرا کوینگ که بو اون گون غنیمت دور بیزه
.
معرفتله گل حسینیم وای ده زهرادن پای آل
شکر اولا ماه محرم بیرده قسمت دور بیزه
.
بو حسین عشقی بیزه قورتولمیان سرمایه دی
قلعه ایمن دی بو مجلس سعادت دور بیزه
.
کیم اوزون سالسا بو کشتی نجاته یوخ غمی
جلوه سیماسی انوار هدایت دی بیزه
.
دردریوه درمان گزورسن گل بو داروخانیه
قاره پرچم نصب اولوب هاردا علامت دور بیزه
.
بیز ازل گوندن قرا پرچملره دلبسته یوک
دولت عشقی ایکی دنیا کفایت دور بیزه
.
رهبر آزادگان دی دینه قربان دی حسین
تا جهان وار مایه فخر و شرافت دیر بیزه
.
عالمی درده سالیر کرب ووبلانین محنتی
هر زمان یاده دوشور گویا قیامت دور بیزه
.
مدعی ال چک اولنجه اغلاروق بو محنته
هر قدر تکرار اولا ذکر عبادت دور بیزه
.
کیم حسینه اغلیا یا اغلادا جنت ده دی
دلخوشام بو مطلبه قول شفاعت دور بیزه
.
دردمند و بینوایوخ کربلا مشتاقیوخ
دیلده کی درده دوا اول قانلی تربت دور بیزه
.
بیز ولایت درسینی اورگشموشوق عباسیدن
حضرت عباس استاد بصیرت دور بیزه
.
چوخلاری ایراد ائدیر اهل عزایه بیلمیری
بو قرا کوینگ گوزلدی رخت عزت دور بیزه
.
عالمی حیران قویوب عاشقلرین اندیشه سی
کربلا دانشگه دین و مروت دور بیزه
.
بیرده اولسا پا پیاده اربعین قسمت اگر
سجده شکر ائیلروق حق دن عنایت دور بیزه
.
یاده سالدوقجا حسین قبرین گویول مدهوش اولور
بیر گورییدیم بزم وصل یار خلوت دور بیزه
.
.
#ورود_محرم #محمد_هوشمند
#ماه_غم_گلدی_بو_آی_بیر_عالی_فرصت_دور_بیزه
#ترکی
.
#زبدةالاشعار
.
: @nohe_torki
نظر دهید