محبس تاریک اولار دائم گلستان مؤمنه #کاظمیه_کهنمویی

محبس تاریک …
.
✍️ زبدة الاشعار ✍️
.
🆔: @nohe_torki
.
مرحوم کهنموئی
.
محبس تاریک اولار دائم گلستان مؤمنه
دینیسیز دنیادی بیر ویرانه زندان مؤمنه
.
.
ئورگدوب قرآن حقیقی مؤمنون عنوانینی
ذکر لِلَّه خائف ایلر قلبینون ارکانینی
آیۀ قرآن اوخونسا آرتیرار ایمانینی
ایلر اللهه توکّل یازدی قرآن مؤمنه
.
.
واقعی مؤمن نمازین اولسا هر یرده قیلار
دائماَ ایلر نمازی خلق ایچینده برقرار
ردّ ائدر واجب زکاتی ذمّه سینده هر نه وار
بو نچه اوصاف علامتدور مسلمان مؤمنه
.
.
دؤز دییَر مؤمن دیلیندن مؤمنون چخماز یالان
هر امانت اولسا ردّ ایلر اونی ائتمز نهان
خُلف وعده ایلمز دنیاده مؤمن هئچ زمان
مُشکل دنیا اولار هر یرده آسان مؤمنه
.
.
مؤمنه خالق اؤزی وعده وئروب قرآنیده
ایلمز مغلوب کافر حجّت و برهانیده
آخرین دیندور بو دین مغلوب ائدوب ادیانی ده
منطق قرآنی بیلسه بسدی برهان مؤمنه
.
.
مؤمنون الله و پیغمبر کیمی وار عزّتی
مؤمن عزّتده یاشار گیمز لباس ذلّتی
زنده اولسا مرده اولسا مؤمنون وار حرمتی
نصّ ائدوب بو احترامی حیّ سبحان مؤمنه
.
.
هانسی مؤمندور بو مؤمن دین یولوندا دؤز گئدن
هانسی مؤمندور بو مؤمن دینینی ترویج ائدن
هانسی مؤمندور بو مؤمن خلقه قرآن ئورگدن
قویمیَن اولسون مسلّط نفس و شیطان مؤمنه
.
.
هانسی مؤمندور بو مؤمن کیمده اولسا نور حق
هانسی مؤمندور بو مؤمن عامل دستور حق
هانسی مؤمندور بو مؤمن اهل حق منظور حق
گون کیمی هر کس که اولدی پرتو افشان مؤمنه
.
.
هانسی مؤمندور بو مؤمن مؤمنی اینجیتمیَن
هانسی مؤمندور بو مؤمن دؤز یولی کج گئتمیَن
هانسی مؤمندور بو مؤمن کافره رحم ائتمیَن
مهربانلوق ایلین هر دل پریشان مؤمنه
.
.
هانسی مؤمندور بو مؤمن خواهش نفسی آتان
هانسی مؤمندور بو مؤمن کنج زنداندا یاتان
هانسی مؤمندور بو مؤمن حق دیوب قانه باتان
جانیمیز قربان اولا هر دینه قربان مؤمنه
.
.
هانسی مؤمندور بو مؤمن باغلانان زنجیریله
روز و شب همراز و همدم نالۀ شبگیریله
محبس هارونیده مسموم اولان تزویریله
حق یولون تعلیم ائدن هر کامل انسان مؤمنه
.
.
هانسی مؤمن نعشی اوچ گون کنج زنداندا قالان
حق دیوب جدّی حسیندن ئولماقی سرمشق آلان
هانسی مؤمن جدّه سی زهرانی غمدن آغلادان
هانسی مؤمن که کفن ائتدی سلیمان مؤمنه
.
.
هانسی مؤمندور بو مؤمن باش و جانیندن گئچن
هانسی مؤمندور بو مؤمن اولماسا سو قان ایچن
هانسی مؤمندور بو مؤمن آج سوسوز مظلوم ئولن
سو اولان اؤز قلبینون قانی لب عطشان مؤمنه
.
.
«#کهنمویی» حزب حق دنیاده حزب الله دور
مصطفی رهبردی حزبه مقصده آگاهیدور
آیری حزبون عضوی اولما هامّیسی گمراهیدور
دین وئرن دفترچۀ حزب اولدی قرآن مؤمنه
.
.
.
#سبک_زینبم_جان_اوستیم … 4 سبک
.
#پندیات
#کاظمیه_شهادت
#محبس_تاریک_اولار_دائم_گلستان_مؤمنه
#کهنمویی
#ریاضی_تبریزی
#ترکی
.
✍️ #زبدةالاشعار ✍️
.
🆔: @nohe_torki