در مقام معلم
.
✍️ زبدة الاشعار ✍️
.
🆔: @nohe_torki
.
کریم نصیری دولت آباد مرند
.
یاشاسین مهربان معلملر
خوش باخیش خوش بیان معلملر
.
ّقلّه ای عزّ وشوکت وشرفه
شانلی پرچم ووران معلملر
.
ظُلمت جهلی پایمال ایلیوب
شمعلرتک یانان معلملر
.
بیرقرا تخته اوسته آغ گجیلن
درده درمان یازان معلملر
.
باغبان تک تلاش ایدوب بئجَرن
ایلده مین بوستان معلملر
.
اختراعات واکتشافاته
باعث هرآن اولان معلملر
.
رافت ومهر و استقامتیلن
سوزی دوز آندیران معلملر
.
بولَنه عالی امتیاز ویرن
غلطه خط ووران معلملر
.
ویروب علمین ذکاتین عزّتیلن
قُرب حقه چاتان معلملر
.
یاغدیرار عالمه صفا یاغشین
دانیشار هرزمان معلملر
.
منشی عشق لوح دیلده یازوب
قالاجاق جاویدان معلملر
.
شعرقورتار نصیری درسین اوخی
آلاجاخ امتحان معلملر
.
.
#یاشاسین_مهربان_معلملر
#ترکی
.
✍️ #زبدةالاشعار ✍️
.
🆔: @nohe_torki
نظر دهید