مهدی صاحب الزّمان (عج)
..
..
هدایت تبریزی
..
..
نور خدای لم یزل چشم و چراغ عارفان
تاج سر ملائک و پیر مراد خاکیان
ملجاء و کهف و یاور اهل زمین و آسمان
اشبه خاتم النّبی طایر جنّت آشیان
نیک خصال و نیک رو مهدی صاحب الزّمان
..
..
میوه ی قلب پنج تن آل عبانون عزّتی
مکتب گاهواره ده باشه یئتردی حکمتی
شیر خدایه بنذیر معدلتی , صلابتی
جمله قلوب عالمی جذب ائلیوب محبّتی
قلب تپنده ی جهان روح و روان عاشقان
نیک خصال و نیک رو مهدی صاحب الزّمان
..
..
منبع جود و بخشش و فضل و فتوّت و کرم
طاهر و صاف و زاکی و صالح و افضل النّعم
عمری گئچن طواف ده لحظه به لحظه دم به دم
هر ضربانی قلبنین ذکر خدا وُرور رقم
مهر مضیء معرفت بنده نواز و مهربان
نیک خصال و نیک رو مهدی صاحب الزّمان
..
..
گون دئمرم جمالینه چاتماز اونا گونون یوزی
گوزلرینین نظیری یوخ حق گوزو دور گوزل گوزی
منطقی وحی مُنزل و سوزلری مصطفا سوزی
خلقت و خُلق و منطقاً خاتم مرسلین ئوزی
آب حیات کائنات جان جهانیانه جان
نیک خصال و نیک رو مهدی صاحب الزّمان
..
..
طیّب و پاک و عاصم و اشرف خلق و ذوحشم
همنفس فرشتگان اهل سمایه همقدم
نیک سرشت و نیک فر شعشع نور فی ظُلَم
کوه وقار و مصطفا مکنت و ادّعاسی کم
درگه پاکنه اولا حور گرکدی پاسبان
نیک خصال و نیک رو مهدی صاحب الزّمان
..
..
نوردی اصل و باطنی من نجه مدحتین یازیم
قاشلارنی نه وصف ائدیم حسنونو صورتین یازیم
سروده هانسی حسن وار , سرودی قامتین یازیم
واژه تاپانمرام اونون حسن و وجاهتین یازیم
هاردا جمالی گورسنوب اولدی صفاده جمکران
نیک خصال و نیک رو مهدی صاحب الزّمان
..
..
سیرت دلگشا اونون صورت دلربا اونون
عصمت و حُجب و عفّت و آبرو و حیا اونون
دیده ی پاک و باصر و طلعت مه لقا اونون
قامتنین نظیری یوخ اوّل و انتها اونون
مظهر ذات کبریا آیت حیّ ذو حسان
نیک خصال و نیک رو مهدی صاحب الزّمان
..
..
یئر گوی اونون وجودونون وارلقنا تاپیب ثبات
یُمنینه ارتزاق ائدیر جمله تمام ممکنات
تابع امری دور هامی انجم و افلاک و کرات
بغضی هلاک محض دور حبّی طریقه ی نجات
نقطه ی خالی محور عشق دی اولسا نکته دان
نیک خصال و نیک رو مهدی صاحب الزّمان
..
..
نقص اولونار دئسم اونون قامتی طوبایه دیَر
یا کی لبان لعلی مین ساغر و مینایه دیر
مشرق عشق سینه سی عرش معلّایه دیر
عالم اونا طُفیلی دور رحمتی دنیایه دیر
ای خوش او کس لره گوروب اونلا اولوبلا همزبان
نیک خصال و نیک رو مهدی صاحب الزّمان
..
..
شمس اونون قمر اونون ابر اونون مطر اونون
جنگل اونون شجر اونون نعمت بحر و برّ اونون
سلطنت جهان اونون ملک اونون نظر اونون
سالسا نظر تراب اولار بیر نظریله زر اونون
عالمی حیرته سالار قدرتینی وئره نشان
نیک خصال و نیک رو مهدی صاحب الزّمان
..
..
ائتسه گذر کویردن گول گوگریب چمن چخار
بلبل اوخور صفائیله لاله و یاسمن چخار
دشتیله همنوا اولوب یاشل لقا دمن چخار
نسیم صبح عشقیله رقص ائلیه سمن چخار
یئر یوزی گلشنه دونر پیر جهان اولار جوان
نیک خصال و نیک رو مهدی صاحب الزّمان
..
..
خیر کثیردن بیری اول آقانین وجودی دی
کهنه سرایه منتشر بخشش و لطف و جودی دی
کوثرین اوغلودور عجین عشقله تار و پودی دی
خیردی , قوم خیّرین مفتی و رهنمودی دی
حسنونه یوخدی مرز و حدّ حسنی سمادی بیکران
نیک خصال و نیک رو مهدی صاحب الزّمان
..
..
دست گره گشاسی وار قامت دلرباسی وار
مشتری دور جهان اونا چهره ی مه لقاسی وار
جنّته طاووس اودور زینتی وار صفاسی وار
هئیبت مرتضاسی وار صورت مصطفاسی وار
کهف امان و مَلجاءِ اهل جهان بی امان
نیک خصال و نیک رو مهدی صاحب الزّمان
..
..
هیکل سلم و سطوت و خُلق عظیمه عشق اولا
رأفت و مهره عشق اولا دست کریمه عشق اولا
رفعت و شأنه عشق اولا رحم رحیمه عشق اولا
صبر جمیله عشق اولا روح حلیمه عشق اولا
نیک سرشت و نیک پی خوش حرکات و خوش بیان
نیک خصال و نیک رو مهدی صاحب الزّمان
..
..
خیره خلایقی ائدیب جاه و جلال و حشمتی
فتح ائلیوب دی دل لری معرفتی , محبّتی
احمد محموده چکیب صلابتی , صدارتی
اشرف خلقین اوغلودور دهری دوتوب شرافتی
کون و مکان طُفیلی سی کون و مکانه میزبان
نیک خصال و نیک رو مهدی صاحب الزّمان
..
..
زمزمه ایلورم آدین آرتری دل ده اشتیاق
قلبیم اسیر وصالنه ایلوری رعشه دل دوداق
یولدا قالوب دی گوزلریم عمر قوتاردی بو سیاق
ماخلقه امیر دور کیمسه ده یوخ بو طمطراق
فخر ائدرم ( هدایتا ) اولسام او شاهه جانفشان
نیک خصال و نیک رو مهدی صاحب الزّمان
..
..
#هدایت_تبریزی #مهدیه #ترکی #زبدةالاشعار
نظر دهید