شهادت حضرت زهرا (س)
..
..
مرحوم مضطر اردبیلی
..
..
مدینه ده گجه دن اول زمان کیچوب بیر پاس
قور وبلا حضرت ختم المآب ایوینده یاس
..
او یاس مجلسینی مرتضی ویروب تشکیل
او یاس نه یاسیدور ای عرضیمی آلان تحویل
..
گلنده یاسه هر اشخاص سینه داغلالار
اورک الولانور از بس اوجادان آغلالار
..
بو مجلس اهلی ولاکن دوشوبدی بیر حاله
توکللر اشگ ایدرلر حزین حزین ناله
..
حسن حسین او بهشتون جوانلاری ای داد
آنا آنا دیوب ایللّه ناله و فریاد
..
حسن دیر آنا وای اشگ دولدورور گوزینی
حسین دیر یوواجاق كیم بو زلفیمیز توزینی
..
حسن دیر آنا یاتما منى قوجاقوه آل
حسین دیر آنا دور مكتبه منی یولاسال
..
حسن دیر آنا تاب ایلیوم نجه سن سیز
حسین دیر یاتا بلمم آنا گجه سنسیز
..
وصی ختم نبی صحن خانه ایچره ملول
جناب فاطمیه غسل ویرمگه مشغول
..
باخوب جنازیه بلمم نه گوردی شیر خدا
چکوبدی غسلیدن ال بی قرار ایتدی نوا
..
نه اولدی آغلادان اول پادشاه منتجبی
منیم عقیدمه گویا اونون بودور سببی
..
گوزی ساتاشدی بتولون سینان قابورقاسینا
یگانه بنت رسولون سینان قابورقاسینا
..
بیوک بو دردیدن آیا جهاندا بیر غم اولار
کیشی یانندا گلوب ئوز عیالینی ورالار
..
گلون بیوردی وداع ایلیون بو مادروزی
داخی گورنمیه جکسوز گورون بو مادروزی
..
..
..
همان قراریله که غسل ایدرله هر ئولنه
خانما غسل ویروبلر بوكوبدولر كفنه
..
بیر آز قالور گیره تابوته حضرت زهرا
گیده او تپراقون آلتدا همیشه لیک وطنه
..
آچوبدی باشینی زینب ایدر فغان کلثوم
مؤثر اولدی بو غم چوخ حسینیلن حسنه
..
بیریسی صولدا دوروبدور بیریسی ساقینده
گلوبله بلبل هجران کشیده تک سمنه
..
هانی نوازش ایدردون همیشه بیزلره سن
دایانموسان نیه ساکت آنا نه گلدی سنه
..
قباقکیلار کیمی بیرده بیزی قوجاقوه آل
آنا بویومیزی اوخشا نوازش ایله گنه
..
..
..
نه گوردیلر او سینان قول ایدوبدی بیر حرکت
سالوب بالالارینون بویننا قول اول ساعت
..
فغان ایلمیون ای حسینیلن حسنیم
بو آغلاما قلقوزا طاقتیم یوخومدی منیم
..
دوزنمرم اولاسوز دردناک دل خسته
قویون یوزوزی بو سنمیش قابورقامون اوسته
..
گلوبدی بحر کیمین دل محبتی جوشه
کفن ایچینده بالالارین آلدی آغوشه
..
دوزنمیوب اولارون لحظه آغلاماقینه
باسوبدی جان کیمین اوغلانلارین قوجاقینه
..
به امر حضرت خلاق عالم و قادر
جناب شیر خدایه ندا اولوب صادر
..
ملک لر اهلینه یوخ تاب عرش اعلاده
مقربان فلک لر گلوبله فریاده
..
کنار قیل گوی اوزیندن بو پردۀ مُحنی
آیر جنازه نون اوستن حسینیلن حسنی
..
آچوقدی باشلاری تترر اودور که عرش برین
گتور او باشلارینا قویگلن عمامه لرین
..
غرض قضیه نی گوردی چو پادشاه نجف
اورگی دوزمدی گلدی بالالارینا طرف
..
آتا نجه گورر آخر بالالارین غمناک
نوازشیله ایدوب اشکی گوزلریندن پاک
..
حسنی آلدی نوازشله ساق دیزی اوسته
حسینی صول دیزینه سویلیوردی آهسته
..
جنازه دن چکیلون من فدا او گوز یاشوزا
قویون عماموزی ای نور عینلر باشوزا
..
نه مهربان دیلیلن شاه لافتی اولاری
جناب فاطمه دن ایلدی جدا اولاری
..
بلی اوشاقون آتاسی و یا آناسی ئوله
شکست قلب اولی قلبین گرک گتورمگ اله
..
بو شرح قصّه اگرچه قراریمی آلدی
بیر آیری شرح قضیه خیالیمه سالدی
..
سوزیمه ملتفت اولدوز بو بزم ماتمده
بونون نظیری اولوب اون بیر محرمده
..
«حسین او طفلینی جان تک باسوبدی آغوشه
او قز یاتوب سینه سی اوسته یا گیدوب هوشه»
..
..
#فاطمیه #مضطر_اربیلی #فاطمیه_شهادت #ترکی #زبدةالاشعار
نظر دهید