مرحبایا فاطمه لطف وصفا گتدون بیزه #حیدریه_عدلی_تبریزی

میلاد حضرت علی علیه السلام
خطاب به مادرآنحضرت فاطمه بنت اسد (س)
.
.
.
حاج اصغرفرشچی(عدلی تبریزی)
.
مرحبایا فاطمه لطف وصفا گتدون بیزه
بیت حق مولودونی نورخداگتدون بیزه
.
.
آفرین اول نازنین آغوش رهبر پروره
مادر اولدون سن بوگون ساقی حوض کوثره
فاتح میدان جنگ بدر و خندق خیبره
سن فنون و رمز جنگه آشنا گتدون بیزه
.
.
گوز آچوبدی کعبه ده بو خانه زاد کبریا
مقتدای هر دو عالم لنگر ارض و سما
آسمان عشق اولار بونسوز فضای بی صفا
فاطمه سن شافع روز جزا گتدون بیزه
.
.
آلموسان آغوشیوه قرآن ودینون یاورین
عرش رحمان وغفورون زیورین هم لنگرین
رکن ایمان کرسی عدل و عدالت داورین
مجری احکام دین میرهدا گتدون بیزه
.
.
آلموسان آغوشیوه سن مخزن علم خدا
ذاتی اقدس اسمی اعظمدی علی المرتضا
قل هُوَللاهَه مثلدی شرزه شیر هر غزا
حامی مستضعفان مشکل گشا گتدون بیزه
.
.
اصل خلقتده بساط عالمون انشاسیدور
بو شعور و علم و ایمان و وفا دریاسیدور
شأنینه آیات قرآن قرآنون معناسیدور
معنی تطهیر و نور و هل اتی گتدون بیزه
.
.
باء بِسمِ اللّهَه نقطه عالمَه نَهجِ هُدا
ایلیین تکمیل دینی ماسوایه مُقتدا
ابن عَم مصطفی و همسر خَیر النِساء
هدیه دور بو اُمته سن پیشوا گتدون بیزه
.
.
افتخار عالم خلقت وجودی بی عدیل
کشتی لولاکه لنگر رهبر و خلقه دلیل
انتخاب ایلوب رسوله جانشین رّب جلیل
ناجی فلک ولایت نا خدا گتدون بیزه
.
.
بحر دور بو قطرۀ وصفی جهانی پر ایدر
بوترابدی بیر نظرده توپراقی گوهر ایدر
مدحنی قرآنیده چون خالق اکبر ایدر
مشکلاتی حل ایدن فَخمِ فَتی گتدون بیزه
.
.
بو نماز اوسته ویرر قانیله اسلامه رواج
اون بیراولادی اولارقرآن ودینه چون سراج
«عدلی»سسلریاعلی تادردینه اولسون علاج
درگه حقّه شفیع پر بها گتدون بیزه
.
.
رباعی :
یا علی ذات ثبوتون چشمۀ آب حیات
جزنبی مثلون تاپولمازجمع اولاگر ممکنات
جانشین مصطفی سن حُجّت روی زمین
خامه عاجز وصفوه ای رهبر ایزد صفات
.
.
#حیدریه_میلادیه
#مرحبا_یا_فاطمه_لطف_و_صفا_گتدون_بیزه
#عدلی_تبریزی
#ترکی
.
.