مرغ گوگول هوایه چخوب گلستان گزر #شام_غریبان_نخستین

شام غریبان
آمدن حضرت رقیه به قتلگاه
..
..
مرحوم نخستین اردبیلی
..
..
مرغ گوگول هوایه چخوب گلستان گزر
بی آشیان اولوب اوزونه آشیان گزر
..
شهپر چالور گولون تاپا صحرای عشقیده
پژمرده حال اولوبدى اله پرزنان گزر
..
آه و شراری خرمن افلاکی یاندیرار
شوریده سردی ایلیوب آه و فغان گزر
..
گویا نظرده کرب و بلا گلشنین دوتوب
بیر اوچ باشیندا قیز چخوب اشکی روان گزر
..
هر دم دیور بابا نیه سس ویرموسن منه
بی خانمانی گور نجه بی خانمان گزر
..
سس ویرموسن منه یا سسون من ایشیتمورم
جانه دویوب رقیّه سنی نیمه جان گزر
..
عبّاس عموم هایاندادى من بیلمورم یرین
بیلمور مگر رقیّه چخوب قورخودان گزر
..
گلسون او باوفا سنی وئرسون نشان منه
گورسون نجه رقیّه سی قدی کمان گزر
..
یاپراق کیمی أسور بدنی قتل گاهیده
سعی ایلیور تاپا باباسین ناگران گزر
..
یر پاره پاره اسلحه دور من ایاق بالین
بیر کیمسه یوخ باباسینی وئرسون نشان گزر
..
بیچاریم آماندی منه چاره ایت بابا
سندن ئوتور دوشوب چوله شیرین زبان گرز
..
عشقون یانان چادردا اولوب رهنما منه
فکر ایت بابا رقیه سنی گور هاچان گزر
..
آلدی آتا بالا سسینی قتل گاهیده
فرمایش ایلدی گولونی باغبان گزر
..
بیر نور قوزانوبدی گوگه قتل گاهیدن
گؤرسون او نوری گؤرمه سه اول باغریقان گزر
..
ناگه کسوک بوغازیله گلدی حسین دله
گل مهربان بالا سنی بو مهربان گزر
..
آهسته گل آز آغلا سسون دشمن آلماسون
قمچی الینده بو چولی شمر و سنان گزر
..
سن گلشن رسالته گول سن رقیه جان
سولمیش گولون نجه یارالی باغبان گزر
..
بجدل گلنده فاطمه گلدی بو گلشنه
خنجر الینده گوردی منی ساربان گزر
..
باش سیز گلوب گورنده منی ویرما باشووه
باشیم تنور خولیده بیر همزبان گزر
..
..
#شام_غریبان #نخستین #ترکی #زبدةالاشعار