کوچ اهل بیت از قتلگاه
..
..
حاج عطوف کتابچی (محبی مراغه ای)
..
..
ای شه کربلا خداحافظ
کشتۀ اشقیا خداحافظ
..
زینبون دشمنه اولوبدی اسیر
گیدورم الوداع خداحافظ
..
جسموین یاره سی سایا گلمز
قلبده وار یارا خداحافظ
..
بو قدر زخمه ایتمدیم مرحم
تاپمادیم بیر دوا خداحافظ
..
گوز یاشیمی گرک ایدم مرهم
قویمور اهل جفا خداحافظ
نیلیوم ویرموری عدو مهلت
آغلیام بوردا تا خداحافظ
..
منه نسگلدی جسمون عور قالوب
یوخ عبا و قبا خداحافظ
..
قویموری بی حیا منافقلر
کفن و دفن اولماقا خداحافظ
..
قولّاریم باغلیدی کفن یوخدی
مشکل اولدی دوتا خداحافظ
..
گلشنیم کربلاده اولدی خزان
مظهر مصطفا خداحافظ
..
جبریله اوز گلومدن آیریلورام
گلشن غم فزا خداحافظ
..
گللرین شبنمی قزل قاندور
گلِ آلِ عبا خداحافظ
..
بیز گلنده سنیله گلمیشدوق
گیدیروق سنسیز ای اخا خداحافظ
..
یوخدور عباس و قاسم و اکبر
بیزه اولسونلا رهنما خداحافظ
..
گیدیروق سمت کوفه و شامه
باشوین آردیجا خداحافظ
..
اهل کوفه بیزه شماتت ایدور
یوخدی بیر آشنا خداحافظ
..
کوفیان ایتدیلر بیزی دعوت
دیوری بعضی ناسزا خداحافظ
..
کربلا ایستوری «محبی» اخا
لطف ایله ایت عطا خداحافظ
..
..
#کوچ_کربلا #محبی_مراغه_ای #ترکی #زبدةالاشعار
نظر دهید