آرزوی زیارت
.
.
.
مرحوم شعاع تبریزی
.
.
ای یاتان قبرده عطشان آقا قربانون اولوم
سو یرینه ایچن آلقان آقا قربانون اولوم
.
.
شوق قبرون آلوب آراممى الدن یارالی
دوشمشم کثرت غمدن داخی دلدن یارالی
کسمیسن لطفووی علت ندى مندن یارالی
قویموسان دیده می گریان آقا قربانون اولوم
.
.
سنه قربان اولوم ای پادشه جن و بشر
اولماسا لازم وملزوم سنه نوکر اگر
منه لازیمدی سنون تک آقا ای تشنه جگر
خادمون قووما قاپوندان آقا قربانون اولوم
.
.
.
کیم بولور وار اورگیمده نه قدر محنت وغم
عارضه گوزدن آخار بو گوزومون یاشی چو یم
قدّیمی بوکدی فراقوندا سنون بار الم
حالیمی ائتدی پریشان آقا قربانون اولوم
.
.
ایدوب افسوس فراقون منی بی تاب و توان
اریدوب جانیمی چون بوطۀ زر درد نهان
گو گلوم ایستور او گوزل قبریوی ای شاه جهان
اودی کاریم اولوب افغان آقا قربانون اولوم
.
.
منه لطف ایلمه سن چاره ندور بس نئدرم
سینه ده هجرون اودی خانۀ قبره گئدرم
اوندا محشر گونی زهرایه گلایه ائدرم
گر نظردن منی سالسان آقا قربانون اولوم
.
.
گجه گوندوز یارالی ورد زبا نیمدور آدون
گوزلریم نوری وجودیمده توانیمدور آدون
قوی دیوم واضحینی روح روانیمدور آدون
ای آدی دردلره درمان آقا قربانون اولوم
.
.
دلدہ کی دردیمه لطفونله شها ایله علاج
منی دریای محندن سن اوزون ایله خراج
سندن اؤتری گوزومه اولدی ایشیق گون شب داج
عالم اولدى منه زندان آقا قربانون اولوم
.
.
اشک حسر تله گوزوم جامی شب و روز دولور
هر گونوم سیّدی هجرونده منه بیر ایل اولور
قبریوی گورمیوب ئولسم منه چوخ نسگل اولور
چون چتیندور غم هجران آقا قربانون اولوم
.
.
هاچان عشقون شرری اوز اوزونه دلده سونر
اورگیم کرب و بلا آدی گلنده دویونر
سسلنن وقتده چاوش گوگل قانه دونر
باخارام واله و حیران آقا قربانون اولوم
.
.
یانه یانه دیرم دردیمی بو دللریله
روبرویم غم هجرانیده مشگل لریله
حل ایله مشگلیمی مشگل آچان اللریله
او گوزل اللره قربان آقا قربانون اولوم
.
.
قویما پروانه کیمی شمع فراقوندا یانام
نولی ششگوشه مزارون باشنا بیر دولانام
منده بالای سرونده یانا یانه دایانام
دیم ای قانینه غلطان آقا قربانون اولوم
.
.
دلده بو نسگلمین ایشلوری هر آن یاراسی
پیش رودن سوروشام وئرمین ای سان یاراسی
نجه دی قلبوون اوچ شعبه لی پیکان یاراسی
صاقالوب یا که ویرور قان آقا قربانون اولوم؟
.
.
شیشۀ صبریمی چالما آقا حسرت داشنا
گل دولاندیر منی ناکام ئولن اکبر باشنا
قیل تصدّق سو کیمی قانین ایچن قارداشنا
ایسته اول قبریوه مهمان آقا قربانون اولوم
.
.
سنی ویرّم قسم اول زینب مظلومیه من
نا امید ایلمه شاها بو گونی قاره نی سن
سنه زیبنده دگل سائلی نومید ایده سن
ای اولان منبع احسان آقا قربانون اولوم
.
.
ئوزون عالم سن حسین دلده بو گیزلین سوزومه
اخذ ایدم توشه جزایه بودی فکریم اوزومه
اگلشه یولّاریوین گرد و غباری یوزومه
اولا آمرزشه عنوان آقا قربانون اولوم
.
.
قبر پاکون گر اولا قسمتیم ای کان کرم
بودور عهدیم یوزوم اوسته سورونم نچّه قدم
قورخورام دلده بو نسگل من بیچاره ئولم
ائتمیم عهدیمه اذعان آقا قربانون اولوم
.
.
چو خلارین عشقویله دهرده مجنون ایلدون
لیک عاشقلرون ایچره منی دلخون ایلدون
قویوب حسرت او گوزل قبریوه مفتون ایلدون
اولدی صبرین ایوی ویران آقا قربانون اولوم
.
.
رفقاسیز منه مستغرق آلام دیون
عاشق دربدر عشق حسین نام دیون
قبرینی گورمیوب ئولسم منه ناکام دیون
جان ویرینجه سوزی هر آن آقا قربانون اولوم
.
.
سنه نوکردی «شعاع» ای شرف آل عبا
بوندان آرتوخ یانا هجران اودونا اولما رضا
ایسته اول قبریوه بو جمعیله بو وقفه نی تا
عرض ایده اوردا بو نالان آقا قربانون اولوم
.
.
#کربلا #شعاع_تبریزی
#آرزوی_کربلا
#ای_یاتان_قبرده_عطشان_آقا_قربانون_اولوم
#ترکی
#زبدةالاشعار
نظر دهید