دیر راهب
سوال و جواب راهب با امام حسین (ع)
سوال راهب در هشتک زیر
#یارالی_کیمسن_ایدوب_دیریمی_نورانی_باشون
جواب امام حسین (ع)در هشتک زیر
#منی_راهب_یتوروب_یاخشی_تمنایه_باشیم
.
.
.
#سبک_یارالی_جان_یارالی (بیش از 4 سبک)
.
.
.
مرحوم شعاع تبریزی
.
.
.
منی راهب یتوروب یاخشی تمنایه باشیم
خوشدلم دوشسه اگر مین بیله غوغایه باشیم
.
.
شور حق واردی باشمدا منیم ای پیر کنشت
طینتیم حبّ حقیله اولوب اوّلده سرشت
نور حقدی بو یرى راهب ایدوب رشک بهشت
چونکه مشکاتدی نور حق یکتایه باشیم
.
.
یوسف مصر بلایم منى اعدای زبون
ایتدیلر وادی کنعانیده آغشتۀ خون
وردیلار جسمیمه از بسکه جراحات فزون
بلشوب قانه اودور دوشدی بلایایه باشیم
.
او کسم من که گلستان حقیقت گولییم
فاطمه بنت نبی سینه سینین بلبلییم
آند اولاحقّیمه راهب حقه من سویگولییم
اونون عشقینده دوشوب بیر بیله سودایه باشیم
.
.
راهبا طعنه وران عشقده یحیایه منم
دم ویرن عالم معناده مسیحایه منم
ید بیضانی ویرن طورده موسایه منم
غبطه گه دیری ایدوب وادی سینایه باشیم
.
.
یوزده بو گرد و غباره دیمه ذلّت توزودی
گزمیشم کوی حقیقتده محبت توزودی
من فنا فی الله حقم بو حقیقت توزودی
گلشن حقّه ویرور نکهت و پیرایه باشیم
.
.
من او شاهم که باتوب کرببلاده علمیم
یتمیوب باشه هله باشدا اولان درد و غمیم
بزم نامحرمه منله گیدیر اهل حرمیم
گورموسن رهبر اولوب عترت طاهایه باشیم
.
.
من او مظلومم اولوب ظلمله ویران چمنیم
باشیمی شمر کسوب اون ایکی ضربتله منیم
کربلاده قالوب عریان گون ایوینده بدنیم
آلماقا کام گیدور مجلس اعدایه باشیم
.
.
من تلاوت ایلین وقتیده کهف آیه سینی
بیر عجوزه ائشیدوب نیزده قرآن سسینی
آلدی بیر داش اله آرتردی باشیم یاره سینی
باخمادی بنزوری بیر لالۀ حمرایه باشیم
.
.
او کسم من که دیدیم حقّى بو قومه شب و روز
من دیدیقجا ایلدی کینه لری دلده بروز
منی ئولدوردوله راهب سو کنارینده سوسوز
چکیلوب داره حق اوسته دوشوب ایذایه باشیم
.
.
من او شاهم که باشیم عشق حق آواره سیدی
درد دینین گوزومون قانلو باشی چاره سیدی
بو جبینیمده کی کاری یارا داش یاره سیدی
یتیشوب بو یارادان چوخلی منایایه باشیم
.
.
درگهیمده او شهم منکه سلاطین باش اَیَر
سالموشام خرمن کفره بو قیامیله شرر
وورمشام سر حد دینه علم فتح و ظفر
ایلوری حقّیمی اعلان هامی دنیایه باشیم
.
.
او کسم منکه دَروب دست جفا گوللریمی
ساربان کسدی منیم مشکل آچان اللریمی
خیزرانیله زیاد اوغلی ووروب لبلریمی
ایلدی یاره گورنده اوخوری آیه باشیم
.
.
او غریبم که منیم کسدیلر عطشان باشیمی
قاتدیلار خون دله قانه دونن گوز یاشیمی
سوسوز ئلدوردوله اوغلانلاریمی قارداشیمی
بنزیری انجم آرا بیر دوتولان آیه باشیم
.
.
ایتمیشم من اوشهم ظلمون علیهینده قیام
ایلدیم کوفه ده مطبخده کول اوستونده مقام
دیدیمه گلدی بیلینده الی جنّتدن آنام
گوردی مهماندی تنور ایچره بیر ادنایه باشیم
.
.
او کسم منکه منی حضرت خلّاق جلیل
ماسوا خلقتینه خلق ایدوب اوّلده دلیل
حجت اللّهم اؤزوم وارث عیسا وخلیل
مهجۀ قلبدی شاهنشهه بطهایه باشیم
.
.
من امام ثقلین مطلع انوار حقم
مخزن علم خدا محرم اسرار حقم
کائنات اهلینه آئینۀ آثار حقم
اودی واقفدی هامی صورت و معنایه باشیم
.
.
او کسم منکه منیم دایه میدی روح الامین
قورتاران فطرسی غمدن منم اول سرور دین
تاپدی زینت لچگیندن باشیمون عرش برین
مایۀ فخردی حشره کیمی لعیایه باشیم
.
.
اولموشام من او شهم دینیمه قربان گدیرم
چکمیشم نقشۀ کفره خط بطلان گیدیرم
عالمه کفر یزیدی ایدم اعلان گیدیرم
نجه که ایمدی گلوب دیر نصارایه باشیم
.
.
من شبیرم منه قاراشدی شبر پور على
شینتیا جدّ کباریمدی او نور ازلی
ایلیادور بابامز منبع انوار جلی
باش چکوب سینۀ زهراده ثریّایه باشیم
.
.
تانیدیم سویلدی کیمسن سنه قربان یارالی
بولدوم آخر نیه جان ویرمیسن عطشان یارالی
نه دیوم ایمدی اولوم منده مسلمان یارالی
یوخسا شرمنده گلر محشر کبرایه باشیم
.
.
خواب غفلتدن او باش راهبی بیدار ایلدی
کلمۀ وحدتی یاد ایلیوب اقرار ایلدی
باش قویوب سجدیه گویا بیله اظهار ایلدی
شاکرم یتدی خدا نعمت عظمایه باشیم
.
.
ویر «شعاع» اوغلى على اکبره بو شاهی قسم
دامنین صدقیله دوت عرض قیل ای کان کرم
بوکوب عالِمسن اؤزون قامتیمی بار اَلم
داخی قویما قارشا محنت دنیایه باشیم
.
.
#دیر_راهب
#منی_راهب_یتوروب_یاخشی_تمنایه_باشیم
#شعاع_تبریزی
#ترکی
#زبدةالاشعار
زبدة الاشعار 
: @nohe_torki . مرحوم #انور_اردبیلی . نقل ایلیور بو صحبتی مجلسی صاحب بحار هر سوزی مجلسی یازوب پایهٔ اعتباری وار عالم نامداردور صاحب شأن و افتخار غبطه محدّثین ائدر دفتر ارجبیشتر
نظر دهید