من شهر عشقی کوچه به کوچه دولانموشام #اربعین_حسین_ساکت

اربعین
.
#زبدةالاشعار
.
: @nohe_torki
.
حسین ساکت خسروشاهی
.
من شهر عشقی کوچه به کوچه دولانموشام
اللی بش ایل شرار محبتده یانموشام
.
توفیق یار اولوب منه لطف الاهدن
سلطان عشق سایه سینه دالدالانموشام
.
قبرون وصالی گلمزیدی هئچ گمانیمه
گویا غمونده یاتموشیدوم که اویانموشام
.
عفو ایله قبریوه الی بوش گلمیشم اگر
سندنصورا بو دشت بلاده تالانموشام
.
بیر گوز یاشیم قالوردی اودا قالمادی منه
بیر جامدیم اگر دولی ایندی جالانموشام
.
بو قرخ گونی که هر گونی بیر ایل اولوب منه
داغلار دایانمیان غم و درده دایانموشام
.
مندن ساری مزاریده آسوده یات حسین
نه باش اگوب ستمگره نه حقی دانموشام
.
چوخلار گلر مزاریوه آنلار جلالوی
من عزت و جلالوی اوّلدن آنموشام
.
روز ازلدن اولدی ایشیم یاره باغلاماق
دشمنده بولدی من بو کماله یارانموشام
.
گوزده گوزوم یاشی دونه قانه عجب دگول
الله قانینا کوی وفادہ بویانموشام
.
کیم گوردی زینبی دئدی عطر علی گلور
بو افتخاری کوفه ده قارداش قازانموشام
.
باشون گورنده نیزه باشندا هلال وار
باشدان آتوب خیالیمی جاندان اوسانموشام
.
حاشا دانام خانملقیمون اعتبارینی
ابن زیاد پستی گورنده اوتانموشام
.
«ساکت» منیم جهانیده عشقیم حسیندور
آند اولسون اول خدایه که دلدن اینانموشام
.
.
#اربعین_حسین_ساکت
#من_شهر_عشقی_کوچه_به_کوچه_دولانموشام
#ترکی
.
#زبدةالاشعار
.
: @nohe_torki