یا مهدی
.
زبدة الاشعار
.
: @nohe_torki
.
سیفی اردبیلی
.
مهدیا نقش جمالون که دوشوب جام دیله
جانیمه رعشه سالوب اود وروب آرام دیله
.
اعتکاف ایلمشم قبلۀ عشقونده سنون
حوریلر مشتریدی منده که پیغام دیله
.
صبح امّیدیمه ویرمش سنون عشقون بَرکت
ذکروتسبیحون اولوب جلوه ویرن شام دیله
.
کعبۀ حسنووه بیریول منی زوّارایلسون
محضرونده چاتارام مستی اِحرام دیله
.
ای ملائک ایلین زلفینه مَشًاطه گری
آچ حجابین یوزؤن ال یتوروم کام دیله
.
قوی جمالونده گوروم هیبت شمس وقمری
فَتَبارک دیوم هر ثانیه رَسّام دیله
.
دولا زنجیر تَولّانی منیم گردنیمه
گُلِ نرجس سال ئوزون عاشقوی دام دیله
.
جنّته یوخدی نیازیم، سنی گورسَم چاتارام
بیکران دولت و اقبال سرانجام دیله
.
“سیفی ام “حسرت دیدارون ایدوب قلبیمی قان
قیل کَرَم قوش منی ده جَرگۀ اَرحام دیله
.
#مهدیه
#مهدیا_نقش_جمالون_که_دوشوب_جام_دیله
#سیفی_اردبیلی
#ترکی
.
#زبدةالاشعار
: @nohe_torki
نظر دهید