وداع
زبانحال حضرت زینب (س)
.
✍️ #زبدةالاشعار ✍️
.
🆔: @nohe_torki
.
علومی تبریزی
.
گل گئتمه بو میدانه اماندور آنام اوغلی
یاندی اورگیم آز منی یاندور آنام اوغلی
.
.
آز قلبمی سن آتش هجرانیده یاندور
گئتمه بیله تعجیلله بیر لحظه دایاندور
گل باشوه بیر زینب نالانی دولاندور
گوز یاشیم اوزه گور نه رواندور آتام اوغلی
.
.
دلدن بو سوسوزلوق اودی آرامیمی آلدى
گل یوزلی حرملر هاموسی سولدی سارالدى
واضح دئ گوروم گورمه گیمز محشره قالدى
گل نطقه منه بو سوزی آندور آنام اوغلی
.
.
باخدوقجا سنون حالوه قلبیم گلی درده
گوزدن آخور اشگیم گوروسن عارض زرده
آخر گله جاقسان دئ گوروم خیمیه بیرده
یا زینبه دیدار بو آندور آنام اوغلی
.
.
مانع دگلم دلده سنون وار نه خیالون
هر چند که مشکلدی منه بیرده وصالون
اما دئ گوروم بس کیمه تاپشوردون عیالون
سن تک بیزه کیم قلبی یاناندور آنام اوغلی
.
.
ای وای منه قارداش نیه بو گونلره قالدوم
مین تیر بلا بو یارالی قلبیمه آلدوم
آخر سنی میدانه لب عطشان یولا سالدوم
بو غصّه منه خیلی گراندور آنام اوغلی
.
.
قارداش دئ گوروم هانسی غمه آغلیه زینب
هانسی غمی یاد ایلیه دل داغلیه زینب
گل باشوین اوّل یاراسین باغلیه زینب
گل صورتوه قانی رواندور آتام اوغلی
.
.
حسرتله باخوب توکمه سرشگ ترون آخر
ایلوبدی وصیّت باجوا مادرون آخر
اذن اولسا اؤپم بیرجه سوسوز حنجرون آخر
قلبیم باجون ئلسون دولى قاندور آنام اوغلی
.
.
ئولدوردولر انصاریوی بو قوم بداختر
یاندی اؤره گین دوندی دلون قانه برادر
گل باری بو باشسیز حرمون یثربه قیتر
ل داغلو هامو ناله کناندور آنام اوغلی
.
.
ئلدورسه لر قارداش سنی ایوای منه قارداش
زینب سنه قربان اولا بو دشتیده ای کاش
عمریمجه توکم وار یری گوزدن یوزه قانیاش
بیچاره لرون شغلی فغاندور آنام اوغلی
.
.
اوضاع قیامتدی بو گون عرصۀ میدان
دشمن چالوری طبل بشارت سنه قربان
آماده دوروب قتلوه بولشکر عدوان
اللرده هامو تیغ سناندور آتام اوغلی
.
.
قان آغلا «علومی» بو غمه داد و فغان ایت
خون دلوی اشکیله رخساره روان ایت
حضاریله باهم بو سوزی ورد زبان ایت
گل گتمه بو میدانه اماندور آتام اوغلی
.
.
.
#وداع_علومی_تبریزی
#حسینیه_وداع
#گل_گئتمه_بو_میدانه_اماندور_آنام_اوغلی
#ترکی
.
✍️ #زبدةالاشعار ✍️
.
🆔: @nohe_torki
نظر دهید