وداع حضرت سیدالشهدا(ع) با دخترش رقیه (س)
سوال و جواب
..
..
#سبک_بالام_آغلاما_گلوم_آغلاما ( 7 سبک برای سینه زنی و زنجیر ) … دولانور علی قیزی مقتلی … باجی دور گئداخ …
..
..
یوزه توکمه اشگوی بو قدر بالام آغلاما گلوم آغلاما
سوزون ایلدی منه چوخ اثر بالام آغلاما گلوم آغلاما
..
..
گورورم او گل کیمی لبلری قورودوب حرارت کربلا
گلون اولماسا سوئی چوخ چتین گوزلیم طراوتیلن قالا
ساری کهربا کیمی صورتون سارالوب بو دشتیده برملا
بورا گوندی کولگه دی خیمه لر بالام آغلاما گلوم آغلاما
..
..
نیه واهمه ایدوسن بیله ایتیروبسن ئوز ئوزوی قیزیم
نه دلیله دیل دوداقون اسور دیه بیلموسن سوزوی قیزیم
هله من ساغام اؤپرم یوزون سیلرم ئوزوم گوزوی قیزیم
بالانین گوزون آتاسی سیلر بالام آغلاما گلوم آغلاما
..
..
نقدر چوخ ایستیورم سنی بو یقیندور ئوزوه سنون
ایله طرز نطقوه مایلم ایله دلخوشام سوزوه سنون
ایله راغبم دایانوب باخام ایکی خوش باخیش گوزوه سنون
ولی وقت اولا منه مختصر بالام آغلاما گلوم آغلاما
..
..
گیدورم منایه قیتمسم چالیشوب منه چاتا بیلمه سون
غمه تاب ایدوب اورگونده کی آتا عشقینی آتا بیلمه سون
آلورام چوخور یره وعده وی منی ایسته سون یاتا بیلمه سون
گیجه نی گل اوردا ایله سحر بالام آغلاما گلوم آغلاما
..
..
دیمک اولماز عاشق صادقه اورگونده عشق یار اولماسون
آتون عاشقانه گیدور قیزیم بو خیامیده نه وار اولماسون
داغیلاندا چوللره سعی ایله ایاقون سنون قابار اولماسون
قاباقوندا واردی اوزاق سفر بالام آغلاما گلوم آغلاما
..
..
بو زمین شوریه کیم قوناق گله باشدا شور نواسی وار
بورا کربلادی حجاز تک نه وفاسی وار نه صفاسی وار
بو گیجه قالون سحری کوچون دوزون هرنقدری بلاسی وار
نیه اولموسان غمه غوطه ور بالام آغلاما گلوم آغلاما
..
..
آتانون علاجی اولا اگر چخادار ئوز عترتین ایمنه
غم و غصّیه دوزه بیلموسن دیوسن اشاره لی سوز منه
یازوی یازان قلمون بودور یازیسی نه چاره ایدوم سنه
هامی خلق اولان یازی سین گورر بالام آغلاما گلوم آغلاما
..
..
#وداع #انور_اردبیلی #حسینیه_وداع #ترکی #زبدةالاشعار
نظر دهید