وداع حضرت امام حسین
.
✍️ #زبدةالاشعار ✍️
.
🆔: @nohe_torki
.
مرحوم روفه گر
.
نه مدّتیدی حسینون غمون خیال ائلرم
گجه گونوز اوزیمه شغل اتّصال ائلرم
.
جمال یار دل آیینه سنده جلوه لنور
حجاب عاریسین پرده جمال ائلرم
.
نگار مجلسینین عیش و عشرتین گوره لی
تمام محنتی عالمده آیری حال ائلرم
.
نه من علاقۀ دنیادن ال چکوب گئچرم
نه یار مجلسینه گتماقا مجال ائلرم
.
جنون عشق اولالی عقل و هوش زنجیرین
یغوب دقیقه و ساعتلره مدال ائلرم
.
شراب عشقیله سرمست اولان قبول ایلسَه
اشاره ئیله اونا شرح عرض حال ائلرم
.
نگارخانۀ چین نقشه سین یقین پوزارام
او صورت ابدی ابره امتثال ائلرم
.
نسم صبحی نفسدن سالوب زبس نفسیم
دونوب نسیم شمالیله قیل و قال ائلرم
.
خدیو مملکت عشقدن اجازه آلوب
اگر دیم سوزیمی کونی پر ملال ائلرم
.
بلا خزینه سی سینمده عطر یاسمنی
اوزیمه دولت دنیادن احتمال ائلرم
.
مریض عشق وصالم هانی دوا گتورن
دوا غذا اوزیمه اشک چشم آل ائلرم
.
گتوردی تنگه داخی تنگنای شهر منی
شکایته دل آچوب شهرت کمال ائلرم
.
بیر عمر دور منی دلدار حبس تازه سالوب
یخوب او محبس دلداری پایمال ائلرم
.
طلوع ایلسه گر آفتاب عالمتاب
گیدوب حضورینه بو سرّدن سئوال ائلرم
.
سبب ندور آقا جدّون حسین بیر ایاقین
قویوب اوزنگیه قویدی یره خیال ائلرم
.
همان او نکته نی مستور ایدوبدی پردۀ غیب
اوزوم بو پرده سوزی شرح احتمال ائلرم
.
معاینه گورورم دوره سینده اهل حرم
دوروبلا شرحینه نفسیمدن انفعال ائلرم
.
یوزینه سیلی ووران باش آچان یازا قلمیم
زبان خامۀ آثاری جمله لال ائلرم
.
اوجا سسیله بویوردی باجی گلون گیدیرم
منی حلال ایلیون من سیزی حلال ائلرم
.
منی قوناق چاغوروب ذوالجلال مجلسینه
قبول دعوت خلّاق ذوالجلال ائلرم
.
حبیب مجلسی دور قرمزی گیوب گیدرم
باشیمدا اون ایکی خط تاجینی جلال ائلرم
.
الیمده قابل اولان تحفه یار مجلسینه
قبول اولونماقا بیر طفل خردسال ائلرم
.
اگر تاپولماسا طوی مجلسینده شال عزا
بو قانلو قونداقی جبران عبره شال ائلرم
.
متاعمیز آز اولا سانما یوخدی آیری متاع
نگاره فدیه نچه سرو نونهال ائلرم
.
جفا سفنگی ویران داش یرین جبیننده
نگار مجلسینه یوزده نقش خال ائلرم
.
الیمی قوی باجی جان سینوه ائله ساکت
خیال ائتمه عبث ترک و ملک و مال ائلرم
.
بو امریدور منه بوندان صورا سنی اوزیمه
کفیل محنت و مستحفظ عیال ائلرم
.
ولی آنام باجی صبر ایله باشوی آچما
اودم که گون دوتولور گون کیمی زوال ائلرم
.
نقدری گلسه بلا صبر ایله دایان باجی جان
سنی سپردۀ خلّاق بیمثال ائلرم
.
علاوه قویما سکینم چوخ ایلسون شیون
او سویگلومدی منیم بیله شرح حال ائلرم
.
یارالی جسممه سانما تاپولماسا غسّال
ثلاثه غسلی اوزوم قاندان اغتسال ائلرم
.
علوم غیبیله منده بو سینه صفحه سنی
گلنده قاتلیمه صفحۀ نعال ائلرم
.
گجه قرانلوقی اؤز ساربانمیله باجی
وئرنده ال اله بیر مجلس وصال ائلرم
.
بو خردا بارماقیلا بیر اوزؤک اگر ویرّم
ویرنده بجدله تقدیم لایزال ائلرم
.
باشیم دالنجا من هشتاده دین قرار گیَنی
یارالی باشیمه جدّیم کیمی بلال ائلرم
.
شکنج زلف على اکبریله قزلاریمی
کمنده باغلاماقا بیر سوری غزال ائلرم
.
طریق عشقده مجنون حق اولان باشیما
سیزی آنام باجی لیلای بی مثال ائلرم
.
ولیک کوفه ده مطبخده بیرگئجه قالّام
همان گئجه سیزیلن جبرأ انفصال ائلرم
.
دفاعی مؤمنه جدّیم خبر ویروبدی بیزه
اودور بو عرصه ده یالقوز گیدوب جدال ائلرم
.
گر اولماسیدی ازل عهد حیّ لم یزلی
قوشون دوتا هامی دنیانی پایمال ائلرم
.
شکسته اوخلاری جسمیمده قرب وحدت ایچون
نظامیله دوزَرَم اوجه پرّ و بال ائلرم
.
قوناق گلن چوخ اولا آتلویا پیاده گلن
بو سینه بندلرین دوغرانان خلال ائلرم
.
.
.
.
#وداع_روفه_گر
#حسینیه_وداع
#نه_مدتیدی_حسینون_غمون_خیال_ائلرم
#ترکی
.
✍️ #زبدةالاشعار ✍️
.
🆔: @nohe_torki
نظر دهید