کوچ از کربلا – حضرت رقیّه در قتلگاه
.
✍️ #زبدةالاشعار ✍️
.
🆔: @nohe_torki
.
مرحوم غمکش
.
گؤزیاشیم اولوبدی القان ویرما ساربان یتیمم
ایلرم بو چولده افغان ویرما ساربان یتیمم
.
.
قانینه بابام باتوبدی جسمینه دگوبدی پیکان
پیکری دوشوب یارالی خاک و خونه یئرده غلطان
آغلارام کی سو یانیندا جان وئروب بابام لب عطشان
اولموشام اودی پریشان ویرما ساربان یتیمم
.
.
بسکی ایلیوب بابامین حالی حالیمی دگرگون
گؤزیاشیم آخار عذاره مثل سیل رود جیحون
باخ بو کربلا بابامین قانیله اولوبدی گلگون
لاله زار اولوبدی هر یان ویرما ساربان یتیمم
.
.
دلده محنت و غمیم چوخ ئوزده قانلی گؤزیاشیم وار
داده سسلیم بو چولده نه عموم نه قارداشیم وار
گؤر منیم بو اوچ یاشیندا نه بلالی بیر باشیم وار
دوشموشم بلایه نالان ویرما ساربان یتیمم
.
.
قوی منی قالیم بابامین سینه سینده دل پریشان
بو یارالی پیکر اوسته زلفلریمی ایلوم افشان
رسمیدی ائدر یتیمه رحم فرقۀ مسلمان
امر ائدوب بو نوعی قرآن ویرما ساربان یتیمم
.
.
وئرمیشم سنی قسم من ذات پاک کبریایه
مظهر عطا و رحمت یعنی ختم الانبیایه
ختم الانبیایه خاطر رحم ائله بو بی نوایه
وار اگر کی سنده ایمان ویرما ساربان یتیمم
.
.
اودلانوبدی ظلم اودوندا خیمه میز یانوب سراسر
قالمیوب باشیمدا معجر غارت ایلیوبدی لشکر
سن منی ویراندا تیترر گؤر نئجه بو قانلی پیکر
عرش حق اولوبدی لرزان ویرما ساربان یتیمم
.
.
قلبیمه دولوبدی غملر ائتمه دردیمی زیاده
یوخدی بیر کسیم کی گلسون دشت پر بلاده داده
گؤزیاشی توکر بابامین یاره لی باشی جداده
شمس عشق اولوبدی گریان ویرما ساربان یتیمم
.
.
اهل کوفه نون خدادن اولمادی هراس و باکی
نیزیه اوخا نشانه ایلیوب بو جسم پاکی
بی کفن قالوبدی قوملار اوسته نعش چاک چاکی
غسلی قان وجودی شان شان ویرما ساربان یتیمم
.
.
غمکشا نقدری عمرون واردی یاز بو ماجرانی
آه و ناله ایله دولدور هم زمین و آسمانی
حشر اولونجا شعروه وئر بیر حیات جاودانی
یاز بو نوعی ایله افغان ویرما ساربان یتیمم
.
.
#کوچ_کربلا #غمکش
#گوز_یاشیم_اولوبدی_القان_ویرما_ساربان_یتیمم
#ترکی
.
✍️ #زبدةالاشعار ✍️
.
🆔: @nohe_torki
نظر دهید