نه یاتموسان گوزون آچ ای عزیز جانیم اوغول #اکبریه_ناصر_تبریزی

زبانحال حضرت لیلا کنار نعش علی اکبر (ع)
.
.
مرحوم ناصر تبریزی
.
.
نه یاتموسان گوزون آچ ای عزیز جانیم اوغول
بو اولکه ده سنیدون بیر منیم گمانیم اوغول
.
بو داغی من نجه حل ایلیوم آنان ئولسون
ایا سرور دلیم مه لقا جوانیم اوغول
.
نجه روادی سنون فرقتونده یاولدی
گجه گونوز چخا عرشه منیم فغانیم اوغول
.
بو آرزوده دگولدیم جنازون اوسته گلم
دیه سنه علی وای هر زمان زبانیم اوغول
.
باخاندا پیکریوه اود دوتور یانور جگریم
اودور سرشک توکر چشم خونفشانیم اوغول
.
یاخوندی آهیم اودیله یانا پر ملکوت
مؤثر عرشه اولا آه جان ستانیم اوغول
.
کیمه گوگلده اولان دردیمی دیوم سنسیز
بو چولده بیر سنیدون یار مهربانیم اوغول
.
الیم اوزولدی سنون تک جوان رعنادن
ایا گل چمنیم سرو بوستانیم اوغول
.
قسم بو جانیوه بول منده شایقم ئولومه
بو زیر خاکده قالسون بو استخوانیم اوغول
.
سنی که قتله یتوردی سوسوز بو چولده عدو
منیمده بولّم اولور شمر پاسبانیم اوغول
.
نه قارداشیم نه آنام واردی دادیمه یتوشه
نه بیر امیدیم علی وار نه همزبانیم اوغول
.
گیدوب سنون کیمی الدن جوان بالام یانام
کسیلدی چاره یولوم قطع اولوب توانیم اوغول
.
چخاتمارام سنی یادان ئولنجه صبح و مساء
گچر نوائیله بو عمر جاودانیه اوغول
.
بو ئولماقون منی عالمده پیر زال ایلدی
داخی دوزلمه دی بو قامت کمانیم اوغول
.
غمونده اولسا نقدر عمریم آغلارام اولا تا
ئولونجه وردیم اولور وای علی جوانیم اوغول
.
تمامه ویر سوزی « ناصر » کلام طول اولدی
آنا دلیجه دی ای یار مهربانیم اوغول
.
.
#اکبریه #ناصر_تبریزی #اکبریه_شهادت #ترکی