زبدةالاشعار

نولوردی دوره دوران اولیدی #مهدیه_کهنمویی

یا مهدی
.
.
.
مرحوم کهنموئی
.
نولوردی دوره دوران اولیدی
بو دنیا مکتب قرآن اولیدی
.
امام عصری الله گوندریدی
گلیدی عالمه سلطان اولیدی
.
نولوردی کشف اولیدی بو حقیقت
جهان مشکل لری آسان اولیدی
.
نولوردی قورتولیدی محنت و غم
بو خلقه شادلیقا امکان اولیدی
.
نولوردی صاحب عصرین گلن گون
ظهوری عالمه اعلان اولیدی
.
نولوردی قورتولیدی ظلم و بدعت
زمان غصّه ده پایان اولیدی
.
نولوردی پرچم اسلام اَسِیدی
خلایق صاحب ایمان اولیدی
.
نولوردی شاد اولیدی اهل عالم
فسادین مرکزی ویران اولیدی
.
نولوردی اولمییدی بد عمل لر
مسلمانلار هامی شادان اولیدی
.
نولوردی محو اولیدی دین باطل
هامی پیرولری حیران اولیدی
.
نولوردی هر زماندا هر مکاندا
ضلالت اهلی سرگردان اولیدی
.
نولوردی بو کتاب الله جهاندا
تمام ایشلره میزان اولیدی
.
نولوردی شیعه لر قرآن بولیدی
الینده حجّت و برهان اولیدی
.
نولوردی حق اولیدی خلقه ظاهر
هامی ناحقّ لر پنهان اولیدی
.
نولوردی باغلانیدی دست ظالم
عدالت ائتماقا میدان اولیدی
.
نولوردی حاکمین قرآن دیلینده
الینده تیغ خون افشان اولیدی
.
نولوردی شرب و مُسکِر اولمییدی
جوانلار سالم و خندان اولیدی
.
نولوردی اولمییدی غیر مشروع
شریعت گون کیمی تابان اولیدی
.
نولوردی آغلیان پاک آغلییدی
گوزینون یاشی بیر درمان اولیدی
.
نولوردی حکم دینه بو جوانلار
مطیع و تابع فرمان اولیدی
.
نولوردی رهبری اطفال دینین
ئوزی دینین بولن انسان اولیدی
.
نولوردی « کهنموئی » جان وئرنده
دیلینده آیۀ قرآن اولیدی
.
.
#مهدیه_کهنمویی
#نولوردی_دوره_دوران_اولیدی
#ترکی
.
.

متن پیشنهادی:  الهام شد خلیل خدا أبتلا کند- الهام ایدوب خلیله خداوند ذوالجلال #عید_قربان #صحاف_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی