هجرانوزه یوخ الده درمان #حضرت_ام_البنین_مهدی_عبادی

زبانحال حضرت ام البنین ( س )
.
✍️ زبدة الاشعار ✍️
.
🆔: @nohe_torki
.
مهدی عبادی
.
هجرانوزه یوخ الده درمان
ایشیم اولوبدی دائم افغان
تز گل ام البنین ویرور جان
وای ابالفضل
.
جان ویروری کنیز حیدر
دیلدن سالوبدی درد و غملر
ایندی سیزی عزایه سسلر
وای ابالفضل
.
دورت اوغلومون غمینده گرچه ایدَردیم افغان
شکر ایلرم هامیسی اولدی حسینه قربان
.
دوزدی ام بنینم /اوغولسوزام حزینم
.
.
.
آنازی گورنه گوزدن آتدوز
گیتدوز قانلی قوم اوسته یاتدوز
ولی باشیمی سیز اوجاتدوز
وای ابالفضل
.
گیدنده سیز کرب و بلایه
من ایتمدیم اصلا گلایه
یاندیم ولی بیر ابتلایه
وای ابالفضل
.
باجون دیور او چولده غمدن سیخیلموسان سن
اوغول آنان ئولیدی آتدان یخیلموسان سن
.
.
دوزدی ام بنینم /اوغولسوزام حزینم
.
.
.
غملر سنی یوروبلار افسوس
گولونی سولدوروبلار افسوس
مشکیوه اوخ وروبلار افسوس
وای ابالفضل
.
سو مشکینی اوخ دلدی ایوای
کتاب غم دوزلدی ایوای
صاق گوزووه نه گلدی ایوای
وای ابالفضل
.
زینب بونی دیندن حرامیم اولدی یاتماق
اَلسیزلره چتیندی آت اوسته اوخ چخاتماق
.
.
دوزدی ام بنینم /اوغولسوزام حزینم
.
.
.
دوتاندا دیل بهانه ایوده
اوغول گَللّم فغانه ایوده
سندن قالوب نشانه ایوده
وای ابالفضل
.
(بیکَس)آنان باخاندا بو اوغلووا قان آغلار
عَلَم دولاندیراندا الحق سنه چوخ اوخشار
.
دوزدی ام بنینم /اوغولسوزام حزینم
.
.
#سبک
.
.
#حضرت_ام_البنین
#هجرانوزه_یوخ_الده_درمان
#مهدی_عبادی
#ترکی
.
✍️ #زبدةالاشعار ✍️
.
🆔: @nohe_torki