هر کیم سنی سُوه یری رضواندی یاعلی #حیدریه_دلریش

در مدح حضرت سیدالوصیین امیرالمؤمنین (ع)
.
#زبدةالاشعار
.
: @nohe_torki
.
مرحوم #دلریش
.
.
هر کیم سنی سُوه یری رضواندی یاعلی
منکر اولانلرون ایشی احزاندی یاعلی
.
غافل اولوب سنون دانا هر کیم ولایتون
روز جزاده مسکنی نیراندی یاعلی
.
امرون قبول ائدن اولو عالمده رستگار
نهی ایلین همیشه پریشاندی یاعلی
.
هر مشكله دوشن چاغیرا صدقیله آدون
اول مشگل ایش او کیمسیه آساندی یاعلی
.
محشر گونونده خلق هامو گوز تیکر سنه
سن گلمه سن تمامیسی سوزاندی یاعلی
.
هیجا گونونده گر چکه سن تیغ خونفشان
روی زمین قانیلن الواندی یاعلی
.
خیبر ده گوردی صولتیوی مرحب لعین
اول وقتیدن جهیمیده لرزاندی یاعلی
.
غیر از محمد عربی جمله انبیا
عبد كمینیدور سنه درباندی یاعلی
.
خالق وئروب سنه او قدر قرب و منزلت
وصفونده عقل قاصر و حیراندی یاعلی
.
منكر ،على ولی خدادور خدا دئمه
بولمم خدا دیین نئجه انساندی یاعلی
.
هر سینه ده گر اولماسا مولا محبتون
انسان دگیل او نطفۀ شیطاندی یاعلی
.
دورت یوز قطاری سائله وئردون بهانه سیز
قربان اولوم سنه بو نه احساندی یاعلی
.
بو بذلی گوردی ایلدی قنبر او دم فرار
بیله سخاده قنبر هراساندی یاعلی
.
سلمان منّی کلمه سی گلدى الهیدن
سلمان منّی کیم دییر آساندی یاعلی
.
چون خدمتون قبول ائلیوب شوق و ذوقیلن
هر امرده او بندۀ فرماندی یاعلی
.
موسی گورنده نور جمالون دایانمادی
طور سیناده خاكیله یكساندی یاعلی
.
سكان عرش حور ملک جمله سی تمام
بیر آن گورمیه سنی نالاندی یاعلی
.
ای شیر کردگار و یا صاحب سخا
گل کربلایه گور نئجه طوفاندی یاعلی
.
بیر یاندا قاسمه طوى ائدر شاه کربلا
داماده باخ الینده خدا قاندی یاعلی
.
بیر یاندا کوفیان سالوب عباس قوللارین
بیر یاندا اصغرون لبی عطشاندی یاعلی
.
اول سینه که فاطمه نازیله بسلدی
ایستی قوم اوسته پیکری عریاندی یاعلی
.
جمله عیالوی سوسوز ئولدوردی اهل کین
بولمم نه دیندور نئجه ایماندی یاعلی
.
اود ووردی خیمه گاهیوه ظلمیله شمر دون
ظلم یزیده باخ نئجه طغیاندی یاعلی
.
ووردیله کنده عابد بیماره اشقیا
منزلگهی جمازۀ عریاندی یاعلی
.
اول زینبی که خادمی حور جنانیدی
شمرین الینده دیده سی گریاندی یاعلی
.
آل یزیده مسکن اولوب زر نشان اوطاق
آل پیمبرین یری ویراندی یاعلی
.
«دلریشه» بیرجه سال نظر التفاتیوی
کرب وبلا غمینده نواخواندی یاعلی
.
قویما اونی جزا گونی خوار و ذلیل اولا
چوخدور گناهی غرقۀ عصیاندی یاعلی
.
#حیدریه_مدح
#هر_کیم_سنی_سوه_یری_رضواندی_یاعلی
#ترکی
.
#زبدةالاشعار
.
: @nohe_torki