هوانی گرد مصیبت دوتوب هواده نه وار؟ #ورود_محرم_سعدی_زمان

ورود به ماه محرم
#گریز به #قتلگاه
.
زبدة الاشعار

?: @nohe_torki
.
مرحوم حسینی سعدی زمان
.
هوانی گرد مصیبت دوتوب هواده نه وار؟
یاغیش کیمی یاغوری درد و غم فضاده نه وار؟
.
هوانی گرد مصیبت دوتوب هواده نه وار؟
یاغیش کیمی یاغوری درد و غم فضاده نه وار؟
.
قرا علم وورولوب هر یری دوتوب ماتم
ایدوبدی گوندوزیمی قاره، بو قراده نه وار؟
.
دیولّه ماه محرّمدی فصل ماتمدی
بو آیدا صفحه ی تاریخ غمفزادهنه وار؟
.
اسور صبا یلی باد بهار غم گتیرور
سمومه بنزوری، دل یاندورن صباده نه وار؟
.
حسین حسین سسی دنیانی دولدوروب یکسر
بو گوزیاشی گتورن اسم دلرباده نه وار؟
.
باخاندا هر یانا یا کربلا سسی گلوری
گلون گوراخ که بو آی دشت کربلاده نه وار؟
.
هامی سیزیلدوری شوره گلوبدی دلده نوا
علاقمند حسین درک ایدر نواده نه وار؟
.
او چولده هانسی سلیمان بساطی باده گیدوب
بولنمورم حرم بانوی سباده نه وار؟
.
گیدوبدی هانسی شهین تخت و تاجی تاراجه
بو آه و ناله ندور ارض نینواده نه وار؟
.
گلور قولاقیمه بیر عورتین سیزیلتی سسی
اوغول آناسی بولر ماتم بالاده نه وار؟
.
بنی امیّه بنی هاشمه اولوب غالب
یزید ظلم ایلیوب، آل مصطفاده نه وار؟
.
امام عصره اولوب اوز رعیّتی یاغی
تفکّر ایلمین بولمز ابتلاده نه وار؟
.
طلیق ایستوری شهزاده نی غلام ایتسون
باخون حیایه گورون زاده ی زناده نه وار؟
.
امام غیظه گلوب شیر لایزال کیمی
گورن او شستی بولر قهر مرتضاده نه وار؟
.
هوادن اود توکولور، تشنه لیق ایدوب شدّت
او تشنه لب بولوری سوزش هواده نه وار؟
.
رجز اوخور او سپاهه تانیتدیرور اوزینی
که دوست و دشمنی بولسون شه ولاده نه وار؟
.
او یالقوزین سوسوزین قدرت و شجاعتینی
گورن دیر که گورون قدرت خداده نه وار؟
.
دیور اماموزام ای قوم من اولو الامرم
یزید کافر و بی دین و بی حیاده نه وار؟
.
قلج ووروب یورولوب، قلبینه بیر اوخ وورولوب
بو ابتدای شهادتدی انتهاده نه وار؟
.
دوشوب یوز اوسته او مظلوم تشنه لب یارالی
فقط یارالی بولر سوزش یاراده نه وار؟
.
سو ایستینده ایدور قاتلی آتاسینی سبّ
دیور امام اوتان، حرف ناسزاده نه وار؟
.
منی گر اُلدوروسن اُلدور ای زنا زاده
آتامی سبّ ایلمه شاه قُل کَفاده نه وار؟
.
بو ماجرایه «حسینی» اماندی خاتمه ویر
که بولمسونله جماعت بو ماجراده نه وار؟
.

#ورود_محرم
#سعدی_زمان
#هوانی_گرد_مصیبت_دوتوب_هواده_نه_وار
#آثارالحسینی2 صفحه 24
#ترکی
.
#زبدةالاشعار

?: @nohe_torki