اجازۀ میدان خواستن حضرت
قاسم ابن حسن علیه السلام
.
✍️ #زبدةالاشعار ✍️
.
🆔: @nohe_torki
.
مرحوم غلامعلی باقری الهام ( هوشی تبریزی)
.
وارالیمده اوز آتامدان قتلیمه فرمان عموجان
سنده لطف ایله بو گون ویر رخصت میدان عموجان
جانیمی کوی وفاده ایلییم قربان عموجان
.
.
دست خطّیله آتام بو قتلیمه فرمان یازوبدور
آل بودست خطّه بیرباخ گورنجه عنوان یازوبدور
بومنای کربلاده قاسمی قربان یازوبدور
بوهمان دشت بلادوربوهمان عنوان عموجان
.
.
من یتیمم گرچه سوز یوخ مُجتبی دلبندیم من
اول شهین بوقانلی چولده لطفونون خرسندیم من
ایلیوب بیله وصیّت امرینون پا بندیم من
بو بیاندا اولام اوزقانیمه غلطان عموجان
.
.
.
جانویروب جانان یولونداعین منظوره چاتام من
دلخوشام کوی وفاده تشنه لب قانه باتام من
اکبریله بوبلالی دشتیده باهم یاتام من
اولسون اکبرتک وجودیم زینت میدان عموجان
.
.
گتدی بیرعدّه بوچولده یتدیلربزم نگاره
سالمااوزهمره لریمدن سن منی هرگز کناره
دلده واردوراشتیاقیم جسمیم اولسون پاره پاره
خوشدوراولسون گل وجودیم قانیله الوان عموجان
.
.
سن اوزون آگهسن آخر دلده هربیرنیّتیم وار
بیراونیّت اوسته ایمدی بیربیله جدّیّتیم وار
بوشهادتدن منیمده ای عمو بیرقسمتیم وار
فدیۀ کوی نگارم ای شه خوبان عموجان
.
.
چوخ شتابیم وارعموجان یتماقا وصل نگاره
سُرخ رنگ اولسون جمالیم خوشدی قانیله دوباره
لیک لازمدورکه اولسون الده تحفه بزم یاره
بیرقوری جاندورالیمده تحفۀ شایان عموجان
.
.
ایله بوبزم وفاده مست جام وباده ام من
هربلاگلسه بوچولده شوقیله دلداده ام من
بیرامیدیله عمو بو درگهه افتاده ام من
ناامیدایتمه قاپوندان قیل منه احسان عمو جان
.
.
محنت هجران الینده قالمیوب دلده شکیبیم
بوشهاتدن منیمده وارعموجان بیر نصیبیم
دردمند وصلم آخر ای منیم حاذق طبیبیم
دست احسانونلا ایله دردیمه درمان عموجان
.
.
خوش دَگُل بوگونده گوزدن بویتیم زاری سالماق
سنکیمی بیرمهربانه قیدیمه لازمدی قالماق
اجری واردورحق یانوندا بیریتیمین گویلون آلماق
گویلومی آل اجرویرسون خالق سبحان عموجان
.
.
یوخ آتام بوقانلی چولده قیدیمه بیرکس قالان یوخ
دوشموشم گوزدن عموجان یادینه بیرجه سالان یوخ
بویامان وقتیمده گویلون بویتیمون بیرآلان یوخ
حسرتیم قالموش اورکده باغریم اولموش قان عموجان
.
.
بیرجوان نامرادم دلده مینلرجه سوزوم وار
باشدا سودای شهادت لیک بیرآغلارگوزوم وار
تیکموشم بوآستانه گوز اولطفونده گوزوم وار
لطف قیل بوبی پناهه لطفونوه قربان عموجان
.
.
آتش اندوه وغمدن دلده وارسونمزشراریم
لشکرکفری گورنده سلب اولورصبروقراریم
گورنجه انصاف دوربوای عموی تاجداریم
من باخوم بوچولده آلسون دوروی عدوان عموجان
.
.
ایله مرغ روحه آخرتنگ اولوب دورآشیانه
مست جام عشق یارم گلموشم بوجولده جانه
اوزالونله قیل کفن ایله میدانه روانه
تابوگون گلسون حصوله مقصد جانان عمو جان
.
.
(هوشیا)عالمده لطفون یاراولوب حیّ قدیمی
رشتۀ تحریره دوزدون بو دُرّ یتیمی
بوسوزیله درک قیلدون عاقبت فیض عظیمی
وارالیمده اوزآتامدان قتلیمه فرمان عموجان
.
.
#قاسمیه #هوشی_تبریزی
#قاسمیه_شهادت
#وار_الیمده_اوز_آتامدان_قتلیمه_فرمان_عموجان
#ترکی
.
✍️ #زبدةالاشعار ✍️
.
🆔: @nohe_torki
نظر دهید