واروم دی دیلده آقا هوای کرببلا #کربلا_احمد_پوریا

در آرزوی کربلا
.
.
#سبک_ای_آسمان_غمون
.
.
کربلایی احمد پوریا
.
.
واروم دی دیلده آقا هوای کرببلا
دیولَّه گورملیدی صفای کرببلا
((باشلاندی مه ماتم
قاره پوش اولوب عالم
دولدی قلبیلره غم
حسین جانم))
.
.
آقا اورک داریخور نجه دوزوم غمیوه
سن ایسته تا که گلوم او غملی مقتلیوه
باخوم او گنبدین اوسته قانلی پرچمیوه
نه غملی منظره دور لوای کرببلا
.
.
حسین حسین نه حسین تمام عشق و وجود
هامی ملائکه لر ایدر او شاهه سجود
فدای اکبر اولار تمام بود و نبود
حسیندن عزّت آلوب بهای کرببلا
.
.
نه کربلا ایشیدن چیخر هوشی باشدان
یاتوب او یرده حسین یارالیدی باشدان
دیوبدی آنّنا داش سوزور قانی قاشدان
نجه یانقلی اولوب بلای کرببلا
.
.
زمین کرببلا نوالی نغمه سی وار
او یر بلالی اولوب غریبه صحنه سی وار
یارالی فاطمه تک نجه رقیّه سی وار
عجب ایشیتملیدی نوای کرببلا
.
.
او یرده زینبون آهی گوگلره اوجالوب
یارالی قارداش ئولوب باجی قرارین آلوب
حسین غمینده باجی قرانی باشه سالوب
کی قلبی قان ایلیر عزای کرببلا
.
.
حسین حسین نه حسین فدا اولوم آدینا
گجه گونوز اورگیم اسر اونون یادینا
بهشتی ویرمیرم بالاجا بیر باغینا
بو قلب زاریم اولوب گدای کرببلا
.
.
او یرده قانه باتوب پیمبره بنذر
اون اوچ یاشوندا بالا حسینه بیر دلبر
یتمیش ایکی عاشق هر تکی بیر لشگر
ایدوبله جانلارینی فدای کرببلا
.
.
قاچوبدی چوللره اهل بیت اطهاری
دیردیلر عمو جان دای ایتمروخ زاری
گل ئولدورله عمو یتیمه قیزلاری
سمالره اوجالوب صدای کرببلا
.
.
یاتوبدی بیر یارالی کنار علقمده
سو مشکی پاره لنوب اولوبدب شرمنده
که یعنی من خجلم اورک یانور غمده
علم یاتوبدی اولوب قوای کرببلا
.
.
وروبدی حرمله اوخ علی کیمین ماهه
او یرده خسته یاتوب یارالی ششماهه
غمینده اوت قالانوب یانقلی در گاهه
اودور که احمر اولوب سمای کرببلا
.
.
#کربلا #احمد_پوریا #آرزو_کربلا #حسینیه ترکی #زبدةالاشعار