يتوب او دمده نه گوردی علی ولی خدا #فاطمیه_دلریش

شهادت حضرت زهرا (س)
.
#زبدةالاشعار
.
: @nohe_torki
.
مرحوم #دلریش
.
يتوب او دمده نه گوردی علی ولی خدا
دوشوب چو قالب بی روح زهره زهرا
.
بویوردی آچ گوزون ای دختر رسول الله
منی بو قصه پر غصه دن ائله آگاه
.
سبب ندور که یاتوبسان بو نوعيله مغموم
توکرله گوز یاشی آغلارلا زینب و كلثوم
.
اياقه دور گوزون آچ ای عزیزۀ ذوالمن
که گورمسونله بو نوعی سنی حسین و حسن
.
سرشک دیدۂ حیدر چو لؤلؤ شهوار
دوشوب بتول اوزینه اولدی خوابیدن بیدار
.
هزار حیرتیله بیر او سروره باخدی
دولان بولود کیمی باخدو قجه گوز یاشی آخدی
.
ازل بو اولدی سؤزی ای شه جهان ئولورم
منی حلال ائله چوخ زار و ناتوان ئولورم
.
زمان هجر يتوب دلده حسرتیم واردور
سنه عم اوغلی منیم بیر وصیتیم واردور
.
اوزون منه گئجه وئر غسل ائت حنوط و کفن
جنازه م اوسته منیم حاضر اولماسون دشمن
.
بویور حسین منه ائتسون تلاوت قرآن
اونون سسین ائشیدوب تا که جان وئروم آسان
.
نئجه وئروم بو سؤزومده قسم خدایه سنی
کناره قویما گوزوندن حسینیله حسنی
.
مباد غفلت اولا نور هر دو عینیمدن
على الخصوص بو مظلوم اولان حسینیمدن
.
یاتار اوزونله او مه پاره روبرو گئجه لر
اماندی تئز وئر اونا ایستینده سو گئجه لر
.
ائشیتمیشم اونی لب تشنه ئولدورور كفار
باخار فراته سوسوز جان وئرور او بی غمخوار
.
گر ایستیسن ائده سن راضی سن بو مغمومی
چاقورما چوخ اوجادان دلشکسته کلثومی
.
دوشنده یاده گوگول قان اولور بو مطلبدن
عم اوغلی چوخ نگرانم بلالی زینبدن
.
همیشه خاطری گوگلوم کیمی مشوشدور
بابام ديوب بو قیزون چوخ سنون بلاکش دور
.
نه من نه سن اولوسن نه عم اوغلی اوغلون حسن
حسینی میله بو زینب اولور جلای وطن
.
دیار کرب و بلاده توکرله گوز یاشینی
گوزی اويونده کسرلر حسینیمون باشینی
.
شرار ظلميله چوخ سینه سینی داغلارلار
فرنگ اسیری کیمی سو یولینی باغلارلار
.
گلنده نالیه مانع اولورلا گوز یاشینا
وورارلا اهل جفا تازیانه لر باشینا
.
جهاز سيز دوه اوسته چکرله شامه اونی
عم اوغلی شمر آپارور اوردا بزم عامه اونی
.
#فاطمیه_شهادت
#يتوب_او_دمده_نه_گوردی_علی_ولی_خدا
#ترکی
.
#زبدةالاشعار
.
: @nohe_torki