پرچم ولا یخیلماز تاج انما ییخیلماز #حیدریه_مصیبی_تبریزی

((نوحه شب ۲۱ ماه رمضان))
.
.
#سبک_سو_یوخومدی_قیزلاروندان …
.
.
مصیبی تبریزی
.
.
پرچم ولا یخیلماز ؛ تاج انّما ییخیلماز
مرتضی یخیلدی امّا؛ نام مرتضی ییخیلماز
.
.
عشق مرتضی علیدن شیعه لر چکر نفسلر
کیمسه عاشق علی دی عشقینی بو آده بسلر
مرتضانی یا چاغیرماز؛یا کی عاشقانه سسلر
سائل علی دی هرکس عشقه آند اولا ییخیلماز
.
.
آز قالوردی مرتضانین تا چیخا جانی بدن دن
عرشیدن انوب ملکلر گلدی مصطفی عَدَن دن
قان جوشوردی پیرهندن روحی آیریلوردی تندن
دوزدی پیکری ییخلدی روحی مطلقا ییخیلماز
.
.
گوز نئجه قاشین یئریندن ذره یئراوجا چیخانماز
سینه علینی ئویله درد و ابتلا سیخانماز
خنجرین یاراسی اصلا ؛ حیدری یئره ییخانماز
دگسه مرتضی باشیندان مین بئله یارا ییخیلماز
.
.
مرتضی ییخلمازیدی محنت مدینه ییخدی
مرتضی ییخلمازیدی فتنه سقیفه ییخدی
بیر یانان قاپیدی باعث،بیرده قانلی سینه ییخدی
موج،ناخدانی ییخسا؛ مرد باخدا ییخیلماز
.
.
ئولدی مرتضی او گون کی بیت هل اتی تالاندی
ئولدی مرتضی او گون کی بیر یئره اودون قالاندی
ئولدی مرتضی او گون کی فاطمه قاپوسی یاندی
چوخلاری ییخلدی اما خیره النسا ییخیلماز
.
.
قانیلن خضاب اولونموش حیدرینده دامنیدی
بستره گلن او لحظه بیر طبیب اَرمنی دی
بولدی تا طبیب حاذق بستره دوشن علی دی
سسلدی ؛ جهان ییخلسا شاه لافتی ییخلماز
.
.
ای((مصیّبی))اگرچه وار سنونده چوخ گناهون
لیک تا علیچی اولسان چکمه ذره دلدن آهون
عرصه گاه حشریده گر ، حیدر ایلسه نگاهون
چوخ گدا او گون یخیلساحیدره گدا ییخیلماز
.
.
#حیدریه #مصیبی_تبریزی #حیدریه_شهادت #ترکی #زبدةالاشعار