((نوحۀ ایام عزای مولی الکونین))
.
.
.
#سبک_ای_باشی_سرنیزده_معراج_ایدن
.
.
مصیبی تبریزی
.
.
کوفه ده بیر ظلم ائلیوب کوفیان
یاندی اوظلمین اودونا انس وجان
کوفه ده پیغمبرین
قلبینی یاندیردیلار
کرب وبلاده ولی
خیمه سین اود وُردیلار
.
.
کوفه لیلر ظلمیده طغیان ائدوب
مسجدومحرابی قزل قان ائدوب
آل علی نین ایشین افغان ائدوب
کوفه ده پیغمبرین
قلبینی یاندیردیلار
کرب وبلاده ولی
خیمه سین اود وُردیلار
.
.
کرب وبلاده نلر ائتدی بولار
گلشن آلُ اللهه اود ووردیلار
مقتله اوخ نیزه نی دولدوردیلار
کوفه ده پیغمبرین
قلبینی یاندیردیلار
کرب وبلاده ولی
خیمه سین اود وُردیلار
.
.
دوزدی علی بزمی چمن سیز قالوب
هاردا ولی باشی بدن سیز قالوب
هاردا اونون نعشی کفن سیز قالوب
کوفه ده پیغمبرین
قلبینی یاندیردیلار
کرب وبلاده ولی
خیمه سین اود وُردیلار
.
.
دوزدی کی باشینده جراحت قالوب
ضربت دشمن دن علامت قالوب
سینه سی البته سلامت قالوب
کوفه ده پیغمبرین
قلبینی یاندیردیلار
کرب وبلاده ولی
خیمه سین اود وُردیلار
.
.
دوزدی علی غمدن امان آلمادی
غصه ولی قلبینه قان سالمادی
گون قاباقیندا بدنی قالمادی
کوفه ده پیغمبرین
قلبینی یاندیردیلار
کرب وبلاده ولی
خیمه سین اود وُردیلار
.
.
دوزدی علی مقصدینه چاتمادی
کیمسه ولی باشینه داش آتمادی
کوللرین اوستونده باشی یاتمادی
کوفه ده پیغمبرین
قلبینی یاندیردیلار
کرب وبلاده ولی
خیمه سین اود وُردیلار
.
.
دوزدی علی رخت طرب گیمه دی
قاش گوزونی درد و غمه اگمه دی
اوچ پر اوخ اما گوزونه دگمه دی
کوفه ده پیغمبرین
قلبینی یاندیردیلار
کرب وبلاده ولی
خیمه سین اود وُردیلار
.
.
هاردا علی قلبینی یاندیردیلار
هاردا باشین نی ده دولاندیردیلار
هانسی جدایه او باشی ووردیلار
کوفه ده پیغمبرین
قلبینی یاندیردیلار
کرب وبلاده ولی
خیمه سین اود وُردیلار
.
.
قلب (مُصَیّب) دی دولی آه و درد
غملر ائدوب صورتینی زردِ زرد
ورد ائده جاقدور بوسوزی”پیرمرد”
کوفه ده پیغمبرین
قلبینی یاندیردیلار
کرب وبلاده ولی
خیمه سین اود وُردیلار
.
.
.
#حیدریه #مصیبی_تبریزی #حیدریه_شهادت #ترکی #زبدةالاشعار
نظر دهید