ای اشبه پیمبرای شاهزاده اکبر #اکبریه_رمضانی_خاکی

شهادت حضرت علی اکبر علیه السلام
.
✍️ #زبدةالاشعار ✍️
.
🆔: @nohe_torki
.
حاج روح الله رمضانی ( خاکی )
.
ای اشبه پیمبرای شاهزاده اکبر
دلبندآل حیدرای شاهزاده اکبر
.
.
.
ای قامت رساسی رشک درخت طوبی
باغ ارم صفاسی گل چهره سینده پیدا
خاک قدوم پاکی اکسیراهل معنا
شایسته وموقرای شاهزاده اکبر
.
.
.
اکبرآدیندا گرچه دنیاده چوخ جوان وار
شهرتده معرفتده گرچه چوخ آدلانان وار
اما سنون مثالون ای دلربا هاچان وار
ارض وسمایه مفخرای شاهزاده اکبر
.
.
.
سن کشور ادبده بیرشاه محتشم سن
آلله یانیندا عبدوالاومحترم سن
اجدااطهرون تک سن معدن کرم سن
شاهلارقاپوندا نوکرای شاهزاده اکبر
.
.
.
گوی آلتدا یریوزونده هیچ کیم سنه تای اولماز
اهل جهانه حقدن سن تک گوزل پای اولماز
آی سان ویاکی گون سن چونکه بئله آی اولماز
آیدان یوزی منورای شاهزاده اکبر
.
.
.
مولا سنون جمالون گوندنده چوخ گوزلدی
مشکات نورحی خلاق لم یزلدی
سن عالمه گلنده یوسفده وجده گلدی
هی سسلدی مکررای شاهزاده اکبر
.
.
.
سن خیمه دن چیخانداای یوسب مدینه
گویاقیامت اولدی اخیمده قیزگلینه
قاچدی دالونجااللرباشدا باجون سکینه
صبرائتدی دئدی برادرای شاهزاده اکبر
.
.
.
اولمارضا دئدی بوگوزیاشلاری جالانسین
هجرونده راضی اولما قلبیم قانادولانسین
خوشدی بوخرداقیزلارسایونده دالدالانسین
اولدی حالیم مکدرای شاهزاده اکبر
.
.
.
بیلمم اوگون نه نوعی سندن حسین ال اوزدی
هجرانوه سنون اول محنت کشیده دوزدی
حتما اورک قانیدی گوزدن جماله سوزدی
جسمون گورنده پرپرای شاهزاده اکبر
.
.
.
سنسیزدئدی بودهرین باشینه کول النسین
واردی یری جمالیم گردغمه بلنسین
قلبیمده آتش غم هرلحظه شعله لنسین
بل سیندی دیزده تتررای شاهزاده اکبر
.
.
.
#اکبریه_رمضانی_خاکی
#اکبریه_شهادت
#ای_اشبه_پیمبر_ای_شاهزاده_اکبر
#ترکی
.
✍️ #زبدةالاشعار ✍️
.
🆔: @nohe_torki