زبانحال حضرت صغری (س)
.
#زبدةالاشعار
.
: @nohe_torki
.
#سبک_دل_شب_ایلیوب_سفر (بدون واگیر)
.
#سبک های دیگر : (با اضافه کردن واگیر)
#سبک_الهی_دفن_ایدیم_نجه
#سبک_تا_مشکتو_تو_آب_زدی
#سبک_حسین_دوشوبدی_مقتله
.
سبک اصلی #سبک_الهی_غملی_کوفه_نون (#جوادی)
مشابه
پخش‌کننده صوت
نوید آسال اردبیلی
.
چاتوب خبر بو بی کسه باتوبدی قانه اکبریم
اولوبدی تیر محنته سینم نشانه اکبریم
سنه واردی چوخ سوزوم هارداسان
یولووی گودور گوزوم هارداسان
.
.
او چولده یاتما دور قییت دیاره هارداسان علی
سالوبدی سینمی غمون فشاره هارداسان علی
سنیله گیتدی خوش گونوم مزاره هارداسان علی
وطنده یوخدی باش چکن بو ناتوانه اکبریم
.
.
بو شهر وحیه اکبریم گل ای مه حمیده خو
فقط وصالون ایلیر سینم یاراسینی رفو
منه بو دار فانیده فقط بو اولدی آرزو
او قاره زلفووه ویرام دوباره شانه اکبریم
.
.
گل ای شبیه مصطفی بو بی پناهی یاده سال
جفای روزگاریدن سینوبدی قلبی گوگلون آل
دیمم کی من أولونجه گل بو شهریده منیله قال
یقین کی اولماز هیچ زمان بو عادلانه اکبریم
.
.
اَیا نگاره خوش سیر سنه فدا اولوم أوزوم
نه بیر گلایه ایلورم نه ده واریم سنه سوزوم
فقط دوباره ایستورم گوره نگاریمی گوزوم
گینه دیم قدم قویوب بو آستانه اکبریم
.
.
سنیله خلق روزگار تانِیدی بختور منی
ولی فراقون ایلدی جهاندا خونجگر منی
حسینه آنداولا بو غم آخیردا أولدورر منی
سینمده هجروون اوتی چکور زبانه اکبریم
.
.
خبر چاتوب کی کاروان گلور مدینیه ساری
2 گیدوب بفوری آچمیشام او باغلانان اطاقلاری
دیدیم کی دردیمی بیلوب ایدوب اونا دوا تاری
دیدیم کی نخل عاطفه ویروب جوانه اکبریم
.
.
گوروشدی ناگهان گوزه او کاروان پربلا
دیدیم کی اکبریم هانی بی بی هانی او مه لقا.
دیدی سوروشما دوغرانوب علی اکبرون بالا
جفای اهل شامیلن بویاندی قانه اکبریم
.
.
دیدیم کی من اینانمورام دوباره ویر جوابیمی
یخوبدی هانسی شب پره ایشیقلی آفتابیمی
عمامووی ویروب نشان آلوبدی دلده تابیمی
قلیج یری بو بی کسی گتیردی جانه اکبریم
.
.
دیدیم کی یاریمین خدا غمیله قلبی دولماسین
او نو گل محمدی جنایتیله سولماسین
او گوردوگوم عمامه کاش علی سنونکی اولماسین
او خنجره سنون باشون اولوبدی لانه اکبریم?
.
.
او تیغ، دگسه هر باشا بولر دونیم ایدر یقین
او شدتیله دگسه گر یقین بولوندی مه جبین
الهی رحم ایله منی بو غم ایدوبدی دلغمین
قویوبدی بی کمک منی گیدوب جنانه اکبریم
.
.
.
#حضرت_صغری #آسال_اردبیلی
#چاتوب_خبر_بو_بی_کسه_باتوبدی_قانه_اکبریم
#ترکی
.
#زبدةالاشعار .
: @nohe_torki
نظر دهید