زبدةالاشعار

چوخ منی بو محنت شام ایتدی دلگیر عمه جان #حضرت_رقیه_صحاف_تبریزی

زبان حال حضرت رقیه (س) در خرابه شام
خطاب به حضرت زینب (س)
.
.
مرحوم صحاف تبریزی
.
.
چوخ منی بومحنت شام ایتدی دلگیر عمه جان
غصه دن قان اولدی باغریم ایله تدبیر عمه جان
.
کثرت غمدن دونوب بیر تیره شامه گوندوزوم
اوج ایدر افلاکه دلدن آه شبگیر عمه جان
.
وار منیم تک بیر نفر آیا بو ویران شامده
آج سوسوزلقدان حیاتندان اولا سیر عمه جان
.
سنگدل صیّاد الینده مرغ بسمل تک اسیر
قوللاریندا ریسمان بوینوندا زنجیر عمه جان
.
آغلیاندا ضرب سیلی ایلسون نیلی یوزین
ایتمسون آهی دل اعدایه تأثیر عمه جان
.
منزلیم ویران غذا خون جگر گوز یاشیم آب
نیلیوم امر قضاده یوخدی تغییر عمه جان
.
یوخسا جدّیم ختم پیغمبر آنام زهرا دگل
گوهر دُرج شرف مصداق تطهیر عمه جان
.
بس ندن بو شامون اهلى خارجی سویلر منه
عترت پیغمبری ایلولّه تکفیر عمه جان
.
عمه جان آیا روادور اهل بیت عصمتی
شامون اهلی ایلسون بو نوع تحقیر عمه جان
.
نیلیوب بو قوم بی شرمه بو باش سیز اهل بیت
باش ویروب بیزدن بو قومه هانسی تقصیر عمه جان
.
درد محنتدن بو یرده جان یتوبدور سینمه
چخسون ای کاش ایتمسون بیر لحظه تأخیر عمه جان
.
حالیمه هر کس دیر باخسا چکوب نقّاش غم
گوشۀ ویرانه ده گویا که تصویر عمه جان
.
سیل محنتله ایله ویران اولوب بنیان دل
بیرده مشکلدور اولا حالیمده تغییر عمه جان
.
جان ویرم توپراقلار اوستونده بو ویران شامیده
چون یازوب روز ازلده کلک تقدیر عمه جان
.
کربلادن شامه تک من چکدوقوم درد غمی
ایلرم بیر بیر آنام زهرایه تقریر عمه جان
.
هر زمان کیفیت شامی که یاد ایلر «صحاف»
آغلیوب دلدن یانار ایتدوقجه تحریر عمه جان
.
.
#حضرت_رقیه #صحاف_تبریزی #حضرت_رقیه_شهادت #ترکی #زبدةالاشعار

نظر دهید

جستجو در نام شاعر یا مناسبت

Search

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search

دسته بندی درختی

دسته بندی درختی

Generic filters
Exact matches only
Filter by Custom Post Type

More results...

Generic filters

Filter by Custom Post Type

نتایج بیشتر ...