چیخوب شیرازه دن قرآن بو آیدا #ورود_محرم_رضوی_زنجانی

ماه محرم
جوشی زنجیر
.
#زبدةالاشعار
.
: @nohe_torki
.
رضوی زنجانی
.
چیخوب شیرازه دن قرآن بو آیدا
اولوب قانه حسین غلطان بو آیدا
.
.
چخوبدی مکه دن شاه مدینه
گلوب چاتدی بلالی سرزمینه
آخوب قانی جلالت وئردی دینه
گوی اهلی ایلیوب افغان بو آیدا
.
.
اولوب لرزان بو آی عرش معلا
حسینه آغلاشور دریا و صحرا
حسینیم وای دیور طاها و زهرا
اولوبدی گوزلری گریان بو آیدا
.
.
پوزولدی زینبین جاه و جلالی
چوخالدی دلده دردیله ملالی
باتوب قانه حسینون مه جمالی
آخوب دشت بلاده قان بو آیدا
.
.
بو آیدا دوغرانوب شهزاده اکبر
گل عمری بو آیدا اولدی پرپر
عبا ایچره گلوب اول ماه منظر
کسیلدی تشنه لب قربان بو آیدا
.
.
اولوب جان وئرمگه آماده قاسم
زره سیز جنگ ائدوب آزاده قاسم
قیزیل قانه باتوب شهزاده قاسم
دوتولدی اوُل مه تابان بو آیدا
.
.
فرات اوسته بو آی سقا یخیلدی
دوشوب قولّار گل زهرا یخیلدی
آت اوستوندن یره مولا بخیلدی
حسین قدّی اولوب چوگان بو آیدا
.
.
باتوب قانه حسینون جان نثاری
وصیّ مصطفانون یادگاری
حسینون سر سپاه نامداری
پریشاندی شه مردان بو آیدا
.
.
علی اصغر بو آیدا قانه باتدی
امیب بیر اوخ جهانی گوزدن آتدی
او شش ماهه بالا قان ایچدی یاتدی
اونی سیراب ائدیب پیکان بو آیدا
.
.
قماطه حنجریندن قان سوزولدی
لباسه دانه ی مرجان دوزولدی
باخان فکر ایلدی باشی اوزولدی
اولوبدی قانیله الوان بو آیدا
.
.
یومولدى گوزلری اول شیرخوارین
بوکولدی قامتی چون شهریارین
دولاندیردی ال اوسته گل عذارین
اولوب پرپر گل خندان بو آیدا
.
.
.
#ورود_محرم #رضوی_زنجانی
#چیخوب_شیرازه_دن_قرآن_بو_آیدا
#ترکی
.
#زبدةالاشعار
.
: @nohe_torki