#عاشورا_گونی
.
✍️ زبدة الاشعار ✍️
?: @nohe_torki
.
محمد علی مصیبی تبریزی
.
کربلا صحراسی قان دریاسی دور یافاطمه
بیر چوخور یرده حسینون یاسی دور یافاطمه
.
بیر طرفده زینبین اللر بویانمیش قانیدور
بیر طرفده شاه دین ئوز قانینه غلطانیدور
بیر طرفده خنجر الده شمر بی وجدانیدور
گل کی صدچاک ،اوغلوون اعضاسیدوریافاطمه
.
جبرئیل عرش معلادن آچوب شهپر گلور
روضۀ رضوانیدن گوزیاشلی پیغمبر گلور
باش آچوب مُلک نجفدن فاتح خیبر گلور
اولیانین محشر عظماسی دور یافاطمه
.
شمر الینده خنجر آغلور قانلی میدان آغلوری
سرنگون اولموش علم ،اوراق قرآن آغلوری
خیمه ده هشتاده دین قاره لچک قان آغلوری
اهل عشقین یوم واویلاسی دور یافاطمه
.
دوغرانوب بیر سمتیده شهزاده قاسم پیکری
قانینه غلطان اولوب دور امّ لیلا اکبری
توپراقا آتدان سالوبلار عون و فضل وجعفری
آیری عالم دور عزا شوراسیدور یافاطمه
.
هانسی صحراده قالانمیش بیربئله داش توپراقا
هانسی یرده بیله؛خنجرلر سالوب باش توپراقا
هاردا پرچمداریلر سورتوبله گوز قاش توپراقا
توپراق اوسته لشگرین سقاسی دور یافاطمه
.
بیرطرفده اصغرین باشین بیچوبدور حرمله
قانلی قنداقی دوشوبدور خیمه ده الدن اله
گل خانم قانلی منایه ایش دوشوبدور مشکله
قورخولی چولدور بلا صحراسی دور یافاطمه
.
یادگار حیدری آتدان سالوبلار توپراقا
آز قالور تا کربلادن نُه سمایه قان یاغا
دوغرانان پیکرده زینب یر تاپانمور ئوپماقا
دشتی دوتموش صوت یازهراسی دور یافاطمه
.
گل ئوزون باش چک بو صحراده قالان باشسیزلارا
برج عصمت ده عداوتدن آخان اولدوزلارا
خیمه لرده باخگیلن السیز ایاقسیز قیزلارا
شمعه پروانه یانان سوداسی دور یافاطمه
.
گون حرارتدن دایانمورایستی توپراق یوخدی سو
آز قالور تا خیمه گاه عشقه اود وورسون عدو
قیزلاری آواره قویسون چولده قوم کینه جو
هر یره باخسان فغان مأواسی دور یافاطمه
.
باشلاسا غارت اگر قانه بویاللار قیزلاری
یاخشی آگه سن نه احواله قویاللار قیزلاری
هم وُراللار آغلاداللار هم سویاللار قیزلاری
سن دؤیولماق گورموسن،همتاسی دوریافاطمه
.
بی حیا هرزه جماعت صف چکوبلر چوللره
رحم ائدن یوخدور بو یرده عترت پیغمبره
گوز تیکوبلر زینبین باشینده حتّی معجره
کائناتین ، کوفیان سُفلیꞌ سی دور یافاطمه
.
بیر«مُصَیـّب»آدلی واردی سینه سین داغلارسیزه
سؤز یازار صدق دیلیله روز وشب آغلار سیزه
قبرین اوّل منزلینده احتیاجی وار سیزه
یازدیقی سوز عشقینین امضاسی دور یافاطمه
.
#عاشورا
#قتلگاه
#حسینیه_شهادت
#کربلا_صحراسی_قان_دریاسی_دور_یافاطمه
#مصیبی_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید