حالات حضرت رقیّه (س)
..
..
محمد تقی میرزایی
..
..
کربلا واقعه سی اولدی زمانیکه تمام
آل پیغمبری شامه آپاروب قوم لئام
اولارا مسجد ویرانه ده ویردیله مقام
خاک ویرانه اولوب بالش طفلان حسین
اوجالوب ناله لری اولدیلا گریان حسین
..
..
زینب اوخشاردی حسینه گیجه اولدوزلاریلان
گونوز آغلاردی ولیکن دده سیز قیزلاریلان
قوشولوب ناله ایدردی گه اوغولسوزلاریلان
نوحه باشلاردی دوتولموش سسیله اکبرینه
لای لای آهسته دیردی صودامر اصغرینه
..
..
نان جو فاطمه قیزلارینا اولموشدی غذا
بالالار دویمیوب آجلیقدان ایدردیله نوا
دخت زهرا نمازاوتدوق یری ایلردی ادا
چون یمزدی چوره گین زینب شایسته مرام
پایلیاردی بالالاره اولاری ایلیه رام
..
..
ام کلثوم گوروب بیر گیجه بو جریانی
یوخلامور نازلی رقیّه اوجالور افغانی
آلدی آغوشه محبتله گل زیبانی
خبرآلدی نیه بس یاتموسان آی نازلی بالا
قولووون آغریسی اولما سنی سالمش بوحالا
..
..
باشینا چکدی الین ئوپدی یوزون دوتدی دله
بختیدن واردیدی ایتسون بالا هرقدری گله
قویمادی تاکه چاتا اصغروین عمری ایله
تیتریورال ایاقی گوردی دوتوب غم ئورگین
اگیلوب ئوپدی اونون خیردا گوگرمیش بلگین
..
..
یات بیرآز آغلاما توکمه یوزه اشک تروی
بلکه رویاده گوروب دیندره سن اصغروی
یاکه دعوت ایده سن شامه علی اکبروی
اونا فاش ایلیه سن قلبیده کی سوزلروی
داخی اشگیله بویاندیرمیاسان گوزلروی
..
..
یاتموسان!؟ ایندی دانش رفع ملال ایله بالا
جگریم داغلاما چوخ منله مقال ایله بالا
اگر حقونده قصور اولسا حلال ایله بالا
تیکان ئوستونده قاچاندا ایاقون یاره لنوب
گوشوارون آلیناندا قولاقون پاره لنوب
..
..
گلدی گفتاره دیدی آی منه غمخوار بی بی
گوزونون یاشین ایدن شبنم رخسار بی بی
بویورورسان که ایدم دردیمی اظهاربی بی
بابامین فکرینی من باشدان آتا بیلمیورم
..
آجلیقیم باعث اولوبدورکه یاتا بیلمیورم
..
..
عمریمون گونلری عمه داخی اتمامه گلور
فکرایدوردوم که بابام اکبریله شامه گلور
گلمسه ئوزلری باری منه بیر نامه گلور
نه گلوب ئوزلری نه نامه لری حیرانم
روزو شب علت اودی من بوقدرگریانم
..
..
شامه جک کرببلادن بی بی بیزآغلیوروخ
ندن ئوتری بوقدرسینه میزی داغلیوروخ
کیم ئولوبدور دیموسن باشه قرا باغلیوروخ
اکبریم گلمسه ئوللم بی بی ویرانه ده من
داخی صبریم قوتاروبدی منه فکر ایله کفن
..
..
قویما غرق ایتسون آنام صورتینی گوزیاشینا
شیشه ی عمری اونون چون توخانوب غم داشینا
ئولوب اوغلی الی چاتمور ایلینه قارداشینا
گیجه لرغملرالیندن یوخی گلمور گوزونه
دیوری اصغره لای لای دانشور ئوزئوزونه
..
..
ئولرم گوشه ی ویرانه ده آی تک باتارام
آیریلیق داشین آتوب وصل نگاره چاتارام
باش قویوب تپراقین ئوسته داخی راحت یاتارام
قسمتیم اولمادی بیرده قیدم بطحایه
یادگاری آپار ون معجریمی صغرایه
..
..
قورتولوب بوردان الیکه بیبی گیتدوزوطنه
آلگیلان بیر جوت ئوزون خیرداجا گوشواره منه
گورمسین غملی آنام ویرگیله شامه گلنه
قبریم ئوسته قویالار تاپشیراوگوشواره لری
توختویا بلکه بوقلبیمده اولان یاره لری
..
..
ای قلم بسدی دایان قلبلری قان ایلدون
بو مصیبتده ولا اهلینی نالان ایلدون
آناسی فاطمه نی عدنیده گریان ایلدون
وار امیدی آلا «میرزائی» بو شعرینه صله
قبرینه زائر اولوب گردینی کپریکله سیله
..
..
#حضرت_رقیه #محمدتقی_میرزایی #حضرت_رقیه_شهادت #ترکی #زبدةالاشعار
نظر
متن های پیشنهادی برای شما
ویردی یاران نخل طوبی بیرده بیرعالی ثمره #رضویه_محمدی_ناعم
مدح و میلادیه حضرت امام رضا علیه السلام . 
زبدة الاشعار ?: @nohe_torki . محمد رضا محمدی (ناعم) . ویردی یاران نخل طوبی بیرده بیرعالی ثمره عرشیدن لاله سپیلدی دسته دسته کوچه لره شاه سریرارتضاگلدی دنیایه مولاعلی موسیبیشتر
ای غملره مأنوس اولان لایلای رقیه #حضرت_رقیه_بیدقداری
زبانحال حضرت زینب (س) در غم حضرت رقیه (س) . #سبک_ای_درد_بی_درمانلارا ( 10 سبک با واگیر و بدون واگیر ) … #سبک_یا_فاطمه_من_عقده_دل_وا_نکردم … و … . . مرحوم حاج داود بیدق داری . . ای غملره مأنوس اولانبیشتر
قان آغلیون که شیر خدانون عزاسیدور #حیدریه_ثریا_تبریزی
شهادت حضرت علی امیرالمؤمنین(ع) . #زبدةالاشعار . 
: @nohe_torki . مرحوم سید احمد یاسر نجفی . قان آغلیون که شیر خدانون عزاسیدور ماتم دوتان علیِّ ولینون خداسیدور . قاره گیوبدی کعبه اولوب ماتمه مقام زمزم سرشگی مروه وبیشتر
محنتون دوتموش جهانی یا امیرالمؤمنین #حیدریه_ثریا_تبریزی
در شهادت حضرت علی (ع) #گریز به شهادت امام حسین (ع) . . . #سبک_زینبم_جان_اوستیم (4 سبک سینه و زنجیر تک ضرب ) . مرحوم ثریا تبریزی . محنتون دوتموش جهانی یا امیرالمؤمنین آغلادور شاه و گدانی یا امیرالمؤمنین . . امر اولوببیشتر
نه شوردور که دوتوب عالمی عیان گیدوری
احوالات جوان نصرانی در واقعه شهادت حضرت اباعبدالله الحسین علیه السلام . زبدة الاشعار ?: @nohe_torki . مرحوم غمناک تبریزی . نه شوردور که دوتوب عالمی عیان گیدوری بیری بیره قاریشوب خیل قدسیان گیدوری . نه غمدی عالمبیشتر
بیر امانت که سپرده ایلمیشدون سن منه #فاطمیه_حامد_تبریزی
شهادت حضرت زهرا(س) . #زبدةالاشعار . : @nohe_torki . مرحوم حامد تبریزی . بیر امانت که سپرده ایلمیشدون سن منه یا رسول الله اونی ردّ ایلورم ایندی سنه . . دورۀ عمرون قوتاردی بو بلا گنجینه سی خسته دی یورقوندی قیل راحتبیشتر
شعر عالی هست
التماس دعا