شهادت حضرت علی (ع)
ـ
زبدة الاشعار
?: @nohe_torki
ـ
علی تیموری
ـ
کوفه ده شیرخدانون دگدی خنجر باشینه
اللرین قویدی اودم فتاح خیبر باشینه
ـ
شاه دینون باشینه محرابده دگدی یارا
سجده گهده قانه غلطان اولدی شاه اولیا
آچدی باشین جنت العلاده ختم الانبیا
قاره معجر سالدی زهرای مطهر باشینه
ـ
عالم معناده فریاد ایلدی روح الامین
یاره لندی سجده گاه عشقده سلطان دین
حال طاعتده یخلدی حجت روی زمین
چون دولاندی ضعفدن محراب ومنبر باشینه
ـ
قالدی گردشدن کواکب لرزیه دوشدی جهان
ناله ائتدی جنت العلاده یکسر قدسیان
ائتدی بوغم حضرت پیغمبرین قدین کمان
مرتضانون آغلادی الله اکبر باشینه
ـ
کایناتی قویدی حیران ظلمینه اول بی حیا
خانۀ ایمانی ویران ایتدی ابلیس دغا
دختر خیرالنسانون قلبینه ویردی یارا
عالم معناده جمع اولدی ملکلر باشینه
ـ
باخبر اولدی حسن سسلندی گل قارداش حسین
بیز آتام نان مسجده باهم گئدیدوک کاش حسین
بیلسه حتماً زینبیم گوزدن توکر قان یاش حسین
بو مصیبتده سالار تئز قاره معجر باشینه
ـ
مسجده اوّل قدم قویدی حسینیلن حسن
گوردیلر محرابیده دوشموش یره شاه زمن
قان ایچینده غرق اولوب کامل امام ممتحن
زخم آغیردیرچاره یوخ مولانین آخرباشینه
ـ
حضرتین یارانی بیربیر گلدی استقبالینه
باخدیلار شیرخدانون یاره لنمیش حالینه
تاجدار اوصیانون یاندیلار اقبالینه
ویردیلار مسجده یارانی مکرر باشینه
ـ
زینب اولدی کوفه ده بو ماجرادن باخبر
وای باباوای سسلنوب جاری ائدوب اشگ بصر
ناله سی عرشه اوجالدی کوفه دن وقت سحر
زینبین فوراً یئغشدی اوردا مَعشَر باشینه
ـ
بارالها باشیمیزدن کسمه مولا سایه سین
محکم ایله دین وایمانین جهاندا پایه سین
محوائله ظلم وفسادین بوزماندا مایه سین
مایۀ شر ویردی خنجر شاه خیبر باشینه
ـ
#سبک_زینبم_جان_اوستیم (4 سبک سینه و زنجیر تک ضرب )
ـ
#حیدریه_شهادت #حیدریه
#کوفه_ده_شیر_خدانون_دگدی_خنجر_باشینه
#علی_تیموری
#ترکی
ـ
#زبدةالاشعار
?: @nohe_torki
: @nohe_torki . #سبک_ای_باد_صبا … 7 سبک . مرحوم صافی تبریزی . ای اوّلِ حالیمدن اولان عالم الهی بو من بو قوری یر بو منیم حالیم الهی . . خمخانۀ وحدتدنبیشتر
نظر دهید