شام غریبان – سوال و جواب
زبانحال حضرت زهرا (س) با امام حسین (ع) در تنور خولی
.
#زبدةالاشعار
.
: @nohe_torki
.
#سبک_یارالی_جان_یارالی … 4 سبک
مشابه
.
لاادری
.
کوللر أوسته بو گجه خولیه مهمانم آنا
گل عجب وقتده گلدون سنه قربانم آنا
.
.
یاخشى بو وقتده سالدون آنا جان یاده منی
سالمیوب یادینه بیر کیمسه بو مأواده منی
زینبون فکر و خیالی گتورور داده منی
زلف زینب تک اودور حالی پریشانم آنا
.
.
چکموسن حدّدن آرتوخ آنا زحمت بو گجه
سنه اولدی چوخ اذیت منه خجلت بو گجه
منزلیمده سنه یوخ گرچه لیاقت بو گجه
خجلتیمدن نجه گور دیده سی گریانم آنا
.
.
ائتمه غم بو یارالی باشیمه منزلدی تنور
پرتو نور جمال الله ایدوب بوردا ظهور
نور یاریله بو مطبخ اولونوب وادی طور
منده موسا کیمی محو رخ جانانم آنا
.
قویدی باشسیز آناجان شمر لعین پیکریمی
ساربان أیلمیوب شرم کسوب اللریمی
آپاروب اهرمن انگشتیله انگشتریمی
تا گوروب عشق بساطینده سلیمانم آنا
.
.
بیله فکر ائتمه جفا اهلی جفادن دویالار
راضیم پیکریمی باشدان ایاقه سویالار
کوللر اوسته باشیمی یاتماقا راحت قویالار
بوردا یاتماقلیقا چوخ خرّم و خندانم آنا
.
.
صبح اولوب جاری ایده للر یوزومه گوز یاشیمی
نوک نی ده آپاروب بزم یزیده باشیمی
نه قویاللار یانیما اوغلومی نه قارداشیمی
ایله بیر مجلسین اوضاعینه حیرانم آنا
.
.
ایلمزلر گنه بو ظلمه کفایت آنا جان
یارالی باشیما ایللَّه شماتت آنا جان
منده اوندا ایدرم آیه تلاوت آنا جان
هامی بیر کیمسه بولر ناطق قرآنم آنا
.
#جواب حضرت زهرا (س) در هشتک زیر
#ائتموسن_کنج_تنوری_نه_سبب_بستر_اوغول
.
#شام_غریبان
#تنورخولی_لاادری
#کوللر_اوسته_بو_گجه_خولیه_مهمانم_آنا
#ترکی
.
#زبدةالاشعار
.
: @nohe_torki
.
نظر دهید