زبدةالاشعار

یالقوز یارالی عطشان ئولورم فریادیمه ای عطشان عمو گل #قاسمیه_صحاف_تبریزی

اسمتداد جناب قاسم از حضرت سیدالشهداء(ع)
.
✍️ #زبدةالاشعار ✍️
.
🆔: @nohe_torki
.
#سبک_ساخلا_ناقه_می_کاروانیدن
.
مرحوم صحاف تبریزی
.
یالقوز یارالی عطشان ئولورم
فریادیمه ای عطشان عمو گل
گل اولما رضا بو گل بدنیم
خاکیله اولا یکسان عمو گل
فریادیمه ای عطشان عمو گل
.
.
گلزاره تاپوب یول زاغ و زغن
نه قالدی چمن نه سرو و سمن
یوخ داده یتن اولّام اوگلن
یولّاریوا من قربان عمو گل
.
.
تابدی منه ال اشرار دغل
ای صبح ازل فریادیمه گل
آز قالدی منی درک ایتسون اجل
یالقوزلادی بو عدوان عمو گل
.
.
.
گلسن بلورم رأفتدی منه
زحمتدی سنه منتدی منه
بو سسلماقیم خجلتدی منه
قیل رنجه قدم سلطان عمو گل
.
.
خیمه یولونی سد ایلوب عدو
پابوسوه چوخ مشتاقم عمو
آگه سن اوزون آسان دگو بو
مشگلدی غم هجران عمو گل
.
.
قویما بو قدر ای شاه جهان
یولاردا گوزیم قالسون نگران
بی رحم دیلر ویرمزله امان
جلّادلریم بیر آن عمو گل
.
.
بیر پاره وروب عدوان باشما
باشمدان انوب یاره قاشما
سن باخسان اگر بو گوز یاشما
آق درّیم اولوب مرجان عمو گل
.
.
بو لشگر کین بی رحم دی چوخ
از بس که وروبلا جسممه اوخ
گل پیکریمون بیر صاف یری یوخ
باش باشه چاتوب پیکان عموگل
.
.
شام اهلی گوروب من بیکسی تک
قانیمی توکوب سوچشمه سی تک
گل دوت الیمی بیر ساحله چک
غرق ایتدی منی طوفان عموگل
.
.
آماده دیلر بو قوم دنی
باش سیز قویالار ظلمیله منی
چوخ آختارورام جان اوسته سنی
ای پادشه دوران عمو گل
.
.
بی کس آناما امر ایله شها
باشینه سالوب بیر قاره یانا
دامادین اولوب اوز قانی حنا
طوی حجله گهی ویران عموگل
.
آتلار ایاقی آلتندا قالوب
فریادیم عمو عرشه اوجالوب
گل گور منی بیر نه حاله سالوب
بو طایفۀ دونان عمو گل
.
.
عالمده (صحاف) هر شام و سحر
اول طالب غم توک اشگ بصر
تجدید ایله وار بو سوزده اثر
ئولدوردی منی عدوان عمو گل
.
.
.
.
.
#قاسمیه #صحاف_تبریزی
#قاسمیه_شهادت
#یالقوز_یارالی_عطشان_ئولورم_فریادیمه_ای_عطشان_عمو_گل
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  آنا یا فاطمه گل زینبون احوالینه باخ #زینبیه_کاتب_اردبیلی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی