کیم سوروشسا هاردا چوخ غم غصه سی اولدی شدید #مجلس_یزید #رمضانی_خاکی

الشام الشام الشام
.
#زبدةالاشعار
.
: @nohe_torki
.
رمضانی خاکی
.
کیم سوروشسا هاردا چوخ غم غصه سی اولدی شدید
زینبی جانه گتوردی سویلرم بزم یزید
.
قاره پوش عورتلره، قلبی یارالی قیزلارا
چشم طعنیله باخوردی اوردا چون قوم عنید
.
نه اباالفضلی نه اکبر نه حسینی واریدی
دشمن بی رحم ایچینده زینب اولموشدی وحید
.
قول قولا باغلیدی قیزلاری طباب ظلمیله
طشت زرده قانه باتمیشدی سرشاه شهید
.
ساخلامادی یاره لی یورقون قوناقین حرمتین
دوتدی چون نادان یزید احکام قرآنی ندید
.
چوخ تکبرله اوتورموشدی الینده جام می
خیزران عطشان دوداقلاره ویروردی اول پلید
.
سسلدی جلادی گلسین زینبین کسین دیلین
عرصه ی محشر آتاسیز قیرزلارا اولدی پدید
.
گوردیله زینبده ئولسه یوخ بیر آیری دادرس
قورخودان خیردا اوشاقلار اسدیلر چون برگ بید
.
طعنه لی سوزلر ائشیتمیشدی خانیم یولاردا چوخ
زینبه اولدی ولیکن اوردا بیر ظلم جدید
.
گر او ظلمی شرح ائدم قلب پیمبر قان اولار
مرتضی باشه ویرار زهرا اورکدن اوتلانار
.
نوعروسی که اوزی شهزاده ایدی چوخ عزیز
مرد شامی ایستدی آلسین به عنوان کنیز
.
تاکنیز لیک آدینی تازه گلین درک ایلدی
طاقتون اولسا دییم دوردی ایاقه نیلدی
.
هرکسه او ظلم اولا والله دیه بیلمز سوزون
ائتدی ناله زینبین آغوشینه سالدی اوزون
.
دیل دوتار دودماز دئدی باخ عمه جان اقبالیمه
راس قاسم وار یری قان آغلیا احالیمه
.
.
#مجلس_یزید #رمضانی_خاکی
#کیم_سوروشسا_هاردا_چوخ_غم_غصه_سی_اولدی_شدید
#ترکی
.
#زبدةالاشعار
.
: @nohe_torki