اوضاع #قیامت با استفاده از اخبار
..
..
منتظری شریف آباد
..
..
گوگل آلّانما دنیانون حیاتی جاودان اولماز
موقت منزلون اهلی گیدر بیر بیر قالان اولماز
..
بوگون یوز قرن حدودینده گیچور آدم زمانیندن
گیدنلردن گوتور عبرت ئولوم بالله یالان اولماز
..
گلر بیر گون قویارلار صورتون یاش تپراقون اوسته
داخی باشیوین آلتدا بالش پر قو قویان اولماز
..
نکیرینون جوابینده دیلون لال اولسا بیچاره
عمود آتشینیندن یقین ایله امان اولماز
..
رتوبتده اثر قالماز دم و لحم و عروقیندن
چورور تپراقون آلتوندا دوام استخوان اولماز
..
ویرنده واحده صیحه فنا دستوری مخلوقه
نفسلر سینه لرده حبس اولور تاب و توان اولماز
..
دوشر ذرّات عالم لرزیه قهر اِلهیدن
نجه لرزه خداوندا نظیری هئچ زمان اولماز
..
عتیقه زیر خاکیلر چیخار تپراقون آلتوندا
سنار قیمت گیدر ارزش خریدار و آلان اولماز
..
فلزّ آمیز اوجا داغلار آتولموش پشم تک منفوش
بتون آرمه بنالرده نشان ساختمان اولماز
..
اولور منظومۀ شمسی هامی خارج مداریندن
سونَر نور مصابیح و منوّر آسمان اولماز
..
کُراتون انفجاریندن مهیب امواج اولور ظاهر
باخارسان هر یانا غیر ازدَم وگرد ودخان اولماز
..
دوتار دریالری شعله یانار مشعل کیمی دنیا
هامی ذیروح اولور بیروح و بیرکسده توان اولماز
..
ایکیمجی صوریده انسان اولور خارج مقابردن
باخارحیران قاچارویلان بیری داده چاتان اولماز
..
هوا ایسی یرون سطحی قیزار چون کورۀ حداد
داخی اوز اهلنه عالم مناسب بیر مکان اولماز
..
او گون یر آیری بیر حاله دونر اخبار قرآندور
جزع اکبر فزع اکثر گنهکاره امان اولماز
..
گیدر پرده اولور تُبلَی السَّرائر منظر عامه
خفاده ایتدوقون ایشلر معاذ الله نهان اولماز
..
آنا اوغلون اوغول اوز والدینون همسرین همسر
نقدری با وفا اولسا او گون یاده سالان اولماز
..
هره اوز فکرینه مشغول و اوز اعمالینه محتاج
رهائی بخش انسان نام عنوان و نشان اولماز
..
دیوب لا یُقبَلُ فیها شفاعه مخبر صادق
و هم لا یُؤخَذُ عدلٌ بیله واضح بیان اولماز
..
فقط اذن خدائیله یتن داده محمّد دور
بغیر از عترت طاها امید عاصیان اولماز
..
که شاید حضرت زهرا گله محسن قوجاقوندا
یارا سینه سنق پهلو ایشی غیر از فغان اولماز
..
دالیجا خوش نظامیله گلر یتمش ایکی پیکر
کسیلموش باشلار اللرده اولار تک جانفشان اولماز
..
حسینی شیعه لر سسلر اغثنی الامان سسلر
حسین تک شیعیه بیرکس رئوف ومهربان اولماز
..
بتولون نایبی زینب بلالی کاروانیله
قولی باغلی گوزی یاشلی ایله بیرکاروان اولماز
..
یری وار حضرت طاها دیه ای عزّتیم الله
جلال و شوکتیم الله ولیِّ نعمتیم الله
..
بو خلقون آه و زاریندن قوتاردی طاقتیم الله
بیلور سن خالق رحمت داشوبدور رأفتیم الله
..
سنون عفوین سنون رحمین امید جرئتیم الله
دگل ضایع حضورینده سزای زحمتیم الله
..
بهشته گیرمرم قالسا گرفتار امّتیم الله
سوای عفو رحمین مرهم خسته دلان اولماز
..
..
..
باغشلا امّتی یا رب بتول اطهره خاطر
باتان محرابده قانه جمالی حیدره خاطر
..
یانان زهریله اکبادی حسن بی یاوره خاطر
یولوندا دوغرانان عطشان حسین کم لشگره خاطر
..
کمال قاسمه خاطر خلوص اکبره خاطر
کنار نهر علقمده کسیلموش اللره خاطر
..
خدنگ زهر داریله بیچیلموش حنجره خاطر
بلالی زینبه خاطر رباب مضطره خاطر
..
یوزی نیلی گوزی یاشلی عزالی قیزلره خاطر
ترحّم ایله یا راحم بیله طاقت ستان اولماز
..
..
..
اوخی ای «منتظر» لاتقنطوا من رحمة الّهی
گنه دن توبه قیل تائب جهنّمده یانان اولماز
..
..
نظر دهید