گلدی شامیدن دربدر باجون آچ گوزون اویان خواب نازیدن #اربعین_ذلیل_تبریزی

اربعین
.
.
#سبک_ساخلا_ناقه_می_کاروانیدن ( 8 سبک برای سینه زنی و زنجیر)
.
.
مرحوم ذلیل تبریزی
.
گلدی شامیدن دربدر باجون
آچ گوزون اویان خواب نازیدن
من ویروم سنه شامیدن خبر
سنده ویر خبریبر حجازیدن
.
.
دفن اولونماموش من اسیریدیم
بو دیاریده پیکرون سنون
اولدی جلوه گر پیش رویمه
گل کیمی سر انورون سنون
کوفه ده منه ویردیلرخبر
ساربان کسوب اللرون سنون
اوددوتوب یانار قلبی زینبین
بو مصیبت جانگدازیدن
.
.
دردیمی دیوم بیر به بیر سنه
سنده گل دیله همزبان اولاق
قبرین اوسته من سن مزاریده
تازه دن گینه باغریقان اولاق
فرصت اولمادی نوجوانلارین
قبری اوسته بیر نوحه خوان اولاق
گل درنمدوق هیچ طریقیله
بیز بو گلشن سر فرازیدن
.
.
هرنه جور و ظلم ایتدیلرمنه
هیچ بیرینه من بیله یانمادیم
جان ویرنده سن چارم اولمادی
گوزلریوی من باغلیانمادیم
نعشین اوسته آت چاپدیلار سنون
بیر دویونجا من آغلیانمادیم
آغلیه آغلیه تیز آیردیلار
فوج بلبلی سرو نازیدن
.
.
قوی ازل دیوم ظلم کوفه دن
سنده یان من دربدر کیمی
هیچ عزیز اسیر اولماسون حسین
آخری من دیده ترکیمی
جورو ظلم چکموبدی دهریده
بیر نفر من خون جگر کیمی
حالیمه منیم کافر آغلادی
کوفه ده اولان پیشوازیدن
.
.
گورمیوبدی قارداش بو دهریده
سن کیمی نه من تک اولا باجی
اولدی نازنین باشیوه سنون
گون ایوینده یر نیزه لر آجی
شمریله سنان سسلنوردولر
یول ویرون گلور فوج خارجی
گون یوزی دوتولموشدی چون او گون
ناله و دف و چنگ و سازیدن
.
.
.
#اربعین #ذلیل_تبریزی
#گلدی_شامیدن_دربدر_باجون
#ترکی
#زبدةالاشعار