من زینبم بو چرخ زمانه یوروب منی #اربعین_امینی_خویی

اربعین
#من_زینبم ….
.
✍️ #زبدةالاشعار ✍️
.
🆔: @nohe_torki
.
مرحوم حاج رسول امینی خویی
.
من زینبم بو چرخ زمانه یوروب منی
بو کربلایه بیر دل سوزان گتورمیشم
.
هر چند اسارتیم یتشوب باشه گلمیشم
قبرون زیارتینه قوری جان گتورمیشم
.
سن نقد جان الونده چاتوبسان شهادته
منده اسارتی سنه برهان گتورمیشم
.
چوخدور گزارشیم سنه بو شام و کوفه دن
آلسان خبر اولوب اورگیم قان گتورمیشم
.
گر ایسته سن دیوم نه جفالر یتوب منه
چوخدور سوزوم که شکوه فراوان گتورمیشم
.
ایتمیشدیلر بپا یزیده ملوکانه مجلسی
چوخدور خبر ورم سنه اوردان گتورمیشم
.
ایتمیشدیلر او مسجدی میخانه شامده
قویموشدولار آدون هله احسان گتورمیشم
.
بیر عیش و نوشیدور که اونی گورمین دیمز
عظما خبر دی من ای شه خوبان گتورمیشم
.
مستی دیلر جماعت شام اوردا بیشمار
بیر عده نین الینده ده قرآن گتورمیشم
.
طشت طلاده گلدی باشون چوخ جلالیلن
اول گلمگونده ایتمیشم عنوان گتورمیشم
.
شامین خرابه منزلی اولموشدی منزلیم
یر تنگ دور اسیر و یتیمان گتورمیشم
.
من بیر سنون رقیه قیزوندان خجالتم
ایلوبدی قلبیمی او شانشان گتورمیشم
.
اما کفن او خسته دله من تاپانمادیم
دفن ایلدیم مقال شهیدان گتورمیشم
.
اوز نوکرون “امینی” یازیب شرح و حالینی
سوئلور آقا الیمده دی دیوان گتورمیشم
.
.
#اربعین_امینی_خویی
#من_زینبم_بو_چرخ_زمانه_یوروب_منی
#ترکی
.
✍️ #زبدةالاشعار ✍️
.
🆔: @nohe_torki