گلدی عید رمضان دوندی مدار رمضان #عید_فطر_فیضی_اردبیلی

عید فطر
–
–
فیضی اردبیلی
–
گلدی عید رمضان دوندی مدار رمضان
باغلادی بار سفر گئتدی قطار رمضان
–
دم جانبخشیدی احیا گجه ‌نین نغمه ‌لری
نه گوزل روحه صفا وئردی بهار رمضان
–
کیم ایچوب باده‌سینی، نشئه اولوب تقوادن
فرصتی فوته وئرن ، اولدی خمار رمضان
–
وئردی کیم نَفْسینون افسارینی شیطان الینه
اولدی بازندهٔ مفلوکِ قُمار رمضان
–
بهجت افزا و فرحبخشیدی هر ثانیه ‌سی
بَرکتلیدی عجب لیل و نهار رمضان
–
#فیضیا ایله دعا صدقیله دوشسون گلن ایل
عمریوون ئولکه ‌سینه بیرده گذار رمضان
–
الیوی سینووه قوی شوقیله هنگام وداع
ذکر و تسبیح و ثنا، ایله نثار رمضان
–
#عید_فطر #رمضانیه
#گلدی_عید_رمضان_دوندی_مدار_رمضان
#فیضی_اردبیلی
#ترکی
#زبدةالاشعار