یا مهدی
.
✍️زبدة الاشعار✍️
.
🆔: @nohe_torki
.
اسماعیل فرشی (غمخوار)
.
سن کیمی بیر گوزله هانسی گوزللّر تای اولی
نه قره خالووه تای ، نه ائله حُسنه سای اولی
.
چوخ گوزللّر یارادیب یوسفی یعقوبه وئرن
وئروب هر بیر کسه پای سن کیمی گور بیر پای اولی
.
نقشووین نقشه سین ایله بزییوب نقّاشون
یئره دامسا او مُرکّبدن آخار بیر چای اولی
.
گر نقابی گوتوروب حُسن رُخون ظاهر اولا
خَجیلی بیر ائله نورِ رُخوون گون آی اولی
.
ایکی دنیایه دگر بیر ائله نازلی باخشون
ای گوزللر گُوزلی ائیله باخیش گُور دای اولی؟
.
گر خزان فصلی دوشه اُولکه میزه بیر گذرون
دولانار اوندا خزان فصلی چیچکلی یاز اولی
.
سنی تعریف ایلیوب سندن ازل ختم رُسُل
بویوروبدی بالامون گلماقی حشره تای اولی
.
سنی طاووس بهشتی تانیدوب ما خَلَقه
حُسنوی یازسالا عالمجه کُتُب تای تای اولی
.
عطروی آلماسا گلشن گُلی باغ میوه لری
یا سُولار غنچه ده یا میوه گتیرسه زای اولی
.
سنی هر کیم آتا دنیا اتگیندن یاپوشا
ایکی دنیاده او بدبختین ایشی آخ وای اولی
.
گر جهالتله بیری گلماقیوی ردّ ائلییه
اونا انسان دیمگ اولماز گَرَم اولسا گای اولی
.
سنه خاطر گئجه گوندوز دولانور گُون گئچیری
مکّه دن تا گوره جاء الحق اوچون بیرهای اولی
.
سنیله روزی وئرور ما خَلَقه خالقِ خَلق
او وجودیله فنالر دولانوب ابقای اولی
–
تک نه بیز منتظروخ منتظروندی یارادان
فرجین صحبتی هر شام و سحر هر آی اولی
.
هاردا تشریفون اولا گلشن جنّت دی او یئر
هامی بیر فصل وجودونله بهاره تای اولی
.
تیکمیشم تکجه بو دنیاده سیزه گوز لریمی
سیز وئرن پای همی سای سیز همی بی منّت اولی
.
بیر تمنّادی یوزی قاره بو «غم خوار» ائدیری
سن گلن یولّارا قربان کسیلم من آی اولی
.
#مهدیه_غمخوار
#سن_کیمی_بیر_گوزله_هانسی_گوزل_لر_تای_اولی
#ترکی
.
✍️ #زبدةالاشعار ✍️
.
🆔: @nohe_torki
نظر دهید