گلن خرابیه ای میهمان یارالی بابا #حضرت_رقیه_امینی_خویی

زبانحال حضرت رقیه سلام الله علیها
.
زبدة الاشعار
.
?: @nohe_torki
.
حاج رسول امینی خوئی
.
گلن خرابیه ای میهمان یارالی بابا
یتیم بالالارینا مهربان یارالی بابا
نه یاخشی وقته گلوب دردیمه دوا ایلدون
رقین اولموشودی باغری قان یارالی بابا
.
.
غم فراقون آلوب طاقت و توانمیزی
فلک سمایه چکوب ناله و فغانمیزی
خرابه یرده بیبیم زینبین باشی آغاروب
که حفظ ایدن بیر اودور غملی آشیانمیزی
.
.
دوشن زمانه ده ای گللری خزان الینه
سالوب هزاره لرون ناله و فغان الینه
سوروشسان عرض ایدرم صورتیم ندن سارالوب
قضا سالوب منی چون شمریلن سنان الینه
.
.
او بلبلم گلومی خار آلوب خزان آپاروب
قالوبدی بوش قفسیم جانی جان آلان آپاروب
نه باغ قالدی نه ده باغبان اوزون بولوسن
جفا الیله نه ایم اولسا شامیان آپاروب
.
.
نه باعث اولدی قیزون نصف شبده یاد ایلدون
بو غملی گوگلومی اوز گلماقونله شاد ایلدون
گیدنده لطف ایله اوز یانیوه آپار منیده
آپارماسان بولورم دردیمی زیاد ایلدون
.
.
بیبیم دییردی منه آغلاما بابان گلجاق
دییردوم عمه بابام نولدی بس هاچان گلجاق
مؤثر اولدی منیم آغلامام گتوردی سنی
ولیک من نه بولوم لبلرونده قان گلجاق
.
.
#حضرت_رقیه_شهادت
#گلن_خرابیه_ای_میهمان_یارالی_بابا
#امینی_خویی
#ترکی
.
#زبدةالاشعار
.
?: @nohe_torki